19, జనవరి 2013, శనివారం

మంచితనం ఈ రోజుల్లో...!!

మంచితనం ఈ రోజుల్లో ఇంకా మిగిలి ఉందనడానికి ఓ తిరుగులేని సాక్ష్యం....ఇది జరిగి తొమ్మిది పది నెలలు ఐ ఉండొచ్చు...అమ్మకు బాలేక ఆపరేషన్ చేయించాల్సి వచ్చింది...కనీసం మాటలతో ఎక్కువగా పెనవేసుకున్న బంధమూ కాదు...అలా అని ఏదో కాస్త ఆహా ఓహో అనుకునే పరిచయం.. అప్పట్లో....పిల్లలకు మేము దూరంగా ఉన్నప్పుడు మా పిల్లలకు వాళ్ళ పిల్లలతో పాటుగా వాళ్ళు తినే అన్నమే పిల్లలు ఎంతగా విసిగించినా అన్నం పెట్టిన ఆత్మ బంధువులు...రా బందు(వు)లు ఇంట్లో తిని సొమ్ము హరించి విషం చిమ్మితే...ఏమి కాని ఈ ఆత్మ బంధువులు నా పిల్లలను వాళ్ళ పిల్లలతో పాటుగా చూసుకున్నారు...అప్పటికి నాకు వాళ్ళతో పరిచయం కూడా చాలా తక్కువే..!!
సరే అసలు విష్యానికి వచ్చేస్తున్నాను...అమ్మకు ఆపరేషన్కి అవసరానికి డబ్బులు కావాలా అని కూడా అడగకుండా నా దగ్గర ఇంత ఉన్నాయి ఎవరికి ఇచ్చి పంపించను అని ఫోన్ చేసి అడిగిన ఆ పలకరింపు ఎప్పటికి నేను మర్చిపోలేను...నా జీవితం లో నన్ను అలా అడిగిన మొదటి వ్యక్తి...!! కనీసం ఇప్పటి వరకు ఎవరూ అలా అడిగి ఉండరు...పిల్లడు చచ్చి బతికినా చూడటానికి రాని రాబందు(వు)లు...డబ్బు కోసం మాత్రం చేయి చాచారు...అది వాళ్ళ పద్దతి...వాళ్లకు ఉన్న దానిలోనే సాయానికి ముందుకు వచ్చిన మాస్టారికి, నాగూర్ బి కి ఏమిచ్చినా ఋణం తీరదు....ఒకప్పుడు రక్త సంబంధీకులే మాట్లాడిస్తే ఏం మీద పడుతుందో అని భయపడిన రోజులు ఉన్నాయి...ఒకరేమో అడగకూడదు కానీ అన్నీ బానే జరుగుతున్నాయి ఎలా చేస్తున్నారు అని అడిగిన రోజులు ఉన్నాయి....డబ్బు కోసమే అన్ని బంధాలు అనుకుంటున్న ఈ రోజుల్లో...మాటలు చెప్పి పబ్బాలు గడుపుకుంటున్న జనాలున్న ఈ సమాజంలో అన్న అక్క చెల్లి ఏమై పొతే నాకెందుకు వాళ్ళని అధ పాతాళానికి తొక్కైనా సరే వాళ్ళు నన్ను నా జీవితాన్ని బాగుచేసినా నాకేంటి నేను నా పెళ్ళాము నా కొడుకు నా పెళ్ళాం వైపు వాళ్ళు బావుంటే చాలు నాకు డబ్బులు వస్తాయి అనుకుంటే అమ్మా నాన్నని కూడా విడదీయడానికి వెనుకాడను అన్న ప్రపంచం లో పోల్చడానికి ఏ పదము లేని నికృష్టులున్న ఈ జనారణ్యంలో ఇలాంటి వారు ఇంకా మంచితనం నశించి  పోలేదు అని మనకు నమ్మకాన్ని కలిగిస్తున్నారు....!!
మనకి కోట్లు ఉండొచ్చు ఒక్కోసారి ఆ కోట్లే అక్కరకు రావు...కాకపొతే అవసరానికి ఓ ఓదార్పు దొరకదు అది డబ్బుతో కొనలేము కదా....!! మంచితనం మన రక్తంలో ఉండాలి కాని అవసరానికి నటిస్తే రాదు...అభిమానం...ఆప్యాయతా కూడా అంతే....మనసు లో నుంచి రావాలి కాని నటిస్తేనో డబ్బిస్తేనో దొరకవు...!!
అవసరానికి డబ్బు కావాలి కాని అదే పరమావధి కాదు ఈ జీవితానికి....!!

6 మీరేమనుకుంటున్నారో.....చెప్పేయండి:

అజ్ఞాత చెప్పారు...

Good going

చెప్పాలంటే...... చెప్పారు...

:)

వాసుదేవ్ చెప్పారు...

కొంతమంది మంచితనం తెలియాలంటే మరి కొంతమంది రాబందులూ ఉండాలి...అందరూ మంచివాళ్లయితే ఎలా? అయితే మనకి కష్టం వచ్చినప్పుడు ఆ మంచివాళ్ళూ మనకి దగ్గరగా ఉండీ సహాయపడడమన్నది మన అదృష్టమ్ కూడా.

చెప్పాలంటే...... చెప్పారు...

అవునండి వాసుదేవ్ గారు అదీ నిజమే....!!
థాంక్యు

వనజవనమాలి చెప్పారు...

Pch.. Emito..ilaativi enni cheppukuntunnaamO! Money mundu manushulu-mamatalu paluchana ayipoyaayi ippudu.

చెప్పాలంటే...... చెప్పారు...

avunu vanaja garu antaa dabbu mahime e rojullo...

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner