26, మే 2013, ఆదివారం

మండుతున్న సూరీడు.....!!

సూరీడుకు కోపమొచ్చింది....!!
నిత్యావసరాలు తనకన్నా మండుతున్నాయని
తాగడానికి గుక్కెడు నీళ్ళు కరువవుతున్నాయని
కనిపించని కరంట్....బిల్లుల మంటతో పోలిస్తే
తననెక్కడ మర్చిపోతారోనని ఆవేశంలో
సూరీడయ్యకు పట్టరాని కోపమొచ్చి
మోమంతా ఎర్రబడి కోపమంతా 
తాపంలో చేర్చి....మండుతున్న 
మంటలకు తోడుగా చేర్చి....
యముని మహిషపు ఘంటల హోరుతో....
 హన్నా....!!
నాకన్నా పై పైకి వెళ్ళే వాళ్ళు లేరంటూ
తన ప్రతాపాన్ని జనాలపై చూపిస్తూ
యుగాలు మారినా...తరాలు మారినా
బలవంతుడిదే రాజ్యమంటూ
ఎప్పటికి మారని అంతరాల
తలరాత ఇదేనని....
పగలబడి నవ్వుతూ ఆకాశంలో
హాయిగా విహరిస్తున్నాడు చూసారా...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner