10, మే 2013, శుక్రవారం

తల్లడిల్లుతున్నఅమ్మ మనసు....!!

పేగు బంధం  పెనవేసుకుందంటే...!!
దాని చుట్టూ అందమైన
అల్లికలను పేర్చుకుంటే....!!
ఓర్వ లేని దైవం
పాశాన్ని పాశవికంగా లాగేసుకుంటే....!!
పెంచుకున్న మమతానుబందాలు
వెల వెల పోతుంటే....!!
తెగిపోయిన ఆ బంధం
అందనంత దూరంలో విల విలలాడుతూ
ఆ కన్నీటితో..... 
ఆకాశంలో చుక్కలా మెరుస్తుంటే....!!
అటు వెళ్ళ లేక ఇటు ఉండలేక
ఆ తల్లి మనసు పడే తపన
ఏ అక్షరాలకు దొరకనిది....!!
విధి ఆడే చదరంగంలో
వింత పావులం మనం....!!
ఏమి చేయలేని నిస్సహాయ జీవులం...!!

( నా చిన్నప్పటి నేస్తం పడుతున్న బాధను తీర్చలేను.... అనుకోకుండా నేను చూడకుండానే అనంత లోకాలకు తరలి వెళిపోయిన తన పాపకు ఆత్మ శాంతి కలగాలని కోరుకుంటూ....తల్లడిల్లుతున్నఅమ్మ మనసు పాపకు అంకితం )


1 మీరేమనుకుంటున్నారో.....చెప్పేయండి:

reddy Tarun చెప్పారు...

చాలా బాగా రాసారండి ,

ధన్యవాదాలు ,

http://www.techwaves4u.blogspot.com/

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner