13, జూన్ 2013, గురువారం

ప్రతి ఒక్కరు.....!!

"అన్ని పనులు ఒక్కరు చేయలేరు కాని ప్రతి ఒక్కరు ఏదో ఒక పని చేయగలరు." ఇది నాకు బాగా నచ్చిన మాట. ఒక స్కూల్ లో చూశాను...నిజమే కదూ అన్ని పనులు చేయలేము కాని తప్పకుండా ఏదో ఒక పని మాత్రం చేయగలం అది మంచి అయినా చెడు అయినా సరే....ఒకరిని ఏడిపించడం కాని, నవ్వించడం కాని, లేదా మనం ఆ రెంటిలో ఏదో ఒకటి చేయడం కాని ఇలా ఏదోఒకటి చేస్తూనే ఉంటాము నిద్ర లేచిన ప్రతి క్షణం నుంచి....!! పుట్టిన మరుక్షణమే మొదలు మన పని ఏడుపుతో....అలా అలా మొదలై మరొకరిని ఏడిపిస్తూ దానిలోనే ఆనందాన్ని వెదుక్కుంటారు కొందరు. మరికొందరేమో ఇతరుల సంతోషం కోసమే బతుకుతారు...తన కోసం ఆరాటపడే వారిని ఏడిపిస్తూ....అదే జీవితమనుకుంటూ....!! నేను నాది అన్న అహంతో గిరి గీసుకుని నా అన్నఅందరిని దూరం చేసుకుంటూ అదే గొప్ప ప్రపంచం అన్న భ్రమలో మరికొందరు....!! మరికొందరేమో నేను బావుంటే చాలు దానికోసమే....ఏదైనా చేస్తాను అంటూ బంధాలు బాధ్యతలు గాలికి వదిలేసి తన స్వార్ధం కోసమే ఏ పనైనా చేస్తారు.....పొట్ట నింపుకోడానికి అవస్థలు కొందరివైతే....పోగేసుకునే వాళ్ళు మరికొందరు....!! చూశారా ఇలా చెప్పుకుంటూ పొతే మనలోనే ఎన్ని రకాలో.....!!
ప్రేమ...ఆప్యాయతా నటించకండి....వాస్తవంగా మీరేంటో మీలానే ఉండండి చాలు. లేనిపోని ముసుగులు వేసుకోవద్దు...ముసుగు జారిపోతుంది ఏదో ఒకరోజు....!! అప్పుడు మీకు మీరే నచ్చరు తరచి చూసుకుంటే...!! కొద్దిగానైనా జీవితంలో నటనను మర్చిపోయి నిజాయితీ గా జీవిద్దాం..!! దానిలోని ఆనందాన్ని ఆస్వాదిద్దాం...!!

2 మీరేమనుకుంటున్నారో.....చెప్పేయండి:

Chinni చెప్పారు...

చాలా అర్థవంతంగా ఉంది మంజుగారు.

చెప్పాలంటే...... చెప్పారు...

Thank u Chinni garu

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner