18, జులై 2013, గురువారం

అందమైనది... ని(వి)షాదం....!!

నిర్మల హృదయంలో నిలిచిన ఆశల సౌధం
కలిసిన మనసుల అనురాగపు మమతలలో
పొంగిన ప్రేమల వెల్లువ గురుతులు గుండెలలో
నిండిన అపురూప క్షణం అలా ఉండి పొతే....!!

అందించిన చేతిని కర్కశంగా విసిరి కొడితే
కన్నీటితో తడిసిన బ్రతుకు అల్లరిపాలౌతుంటే
అలరించిన ప్రేమ అంధకారంలోకి నెడుతుంటే
అదృష్టమో...!! దురదృష్టమో...!! అనుకోకుండా...
చావకుండా అడ్డుపడిన పేగు బంధం ఓ వైపు....!!

మాటల తూట్లతో ప్రతి క్షణం కుళ్ళబొడిచే
లోకం పోకడ అర్ధం కాక దారి తెన్నూ తెలియక
నమ్మిన పాపానికి మోసపోయిన బతుకును మోస్తూ
నిరంతరం చస్తూ బతికే జీవశ్చవాలెన్నో....!!

అందమైన జీవితానికి ఒద్దికైన రూపానికి
విషాదానికి విలయానికి ఒకే ఒక్క తేడా
చీకటి ముసుగులో కనిపించని వెలుగు రేకలు
అడ్డు పడుతున్న రాహుకేతువులు...!! 

4 మీరేమనుకుంటున్నారో.....చెప్పేయండి:

మహిది అలి చెప్పారు...

అందమైన జీవితానికి ఒద్దికైన రూపానికి
విషాదానికి విలయానికి ఒకే ఒక్క తేడా
చీకటి ముసుగులో కనిపించని వెలుగు రేకలు
అడ్డు పడుతున్న రాహుకేతువులు...!!

అద్భుతమైన భావమిది ...అభినందనలు

చెప్పాలంటే...... చెప్పారు...

హృదయపూర్వక ధన్యవాదాలు ఆలీ గారు

chinni v చెప్పారు...

బాగుంది

చెప్పాలంటే...... చెప్పారు...

Thank u chinni

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner