6, జులై 2013, శనివారం

విన్నవించనా చిన్న కోరిక...!!

నీ కోసం అక్షరాలతో ఆటాడుకుందామంటే
అందకుండా  అల్లరిగా అటు ఇటు
పరుగెత్తి పోతున్నాయి పట్టుకోమంటూ.....!!

పద లయల హొయలతో పూజిద్దామంటే
పట్టు చిక్కకుండా జారిపోతూ
పదాలు  పరాకుగా శీతకన్నేసాయి....!!

వాయు లీనాలలో స్వరం కలిపి
మనోగీతాన్ని వినిపిద్దామంటే
మూగవోయిన స్వరం పలుకలేనంటోంది....!!

అక్షరాలు పదాలై...పదాలు పద కావ్యాలై...
కావ్య మాలికలు కుసుమాక్షర నీరాజనాలై....
సుస్వర సరిగమలుగానిను చేరే క్షణం...!!

మానసం ముగ్ధ మోహనమై
మౌనాన్ని వీడి....నీ సమక్షంలో...
గుప్పెడు గుండెలో పిడికెడు ప్రేమను కోరుతోంది....!!

4 మీరేమనుకుంటున్నారో.....చెప్పేయండి:

వనజ తాతినేని/VanajaTatineni చెప్పారు...

Very nice.

చెప్పాలంటే...... చెప్పారు...

Thank u Vanaja garu

mehdi ali చెప్పారు...

ఒక అందమైన కవితను చదివిన అనుభూతి ...

చెప్పాలంటే...... చెప్పారు...

ధన్యవాదాలు ఆలీ గారు

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner