18, ఫిబ్రవరి 2014, మంగళవారం

ఎన్నికలు అవసరమంటారా...!!

ఈ బందులు, ఉపన్యాసాలు, రాజకీయ సన్యాసాలు, చివరి వరకు పోరాడాము, రాజీనామాలు, వాకౌట్ లు ఇలా
వీటిలో ఒక్కదాని వల్ల అయినా ఉపయోగం ఉందా...!! జరగాల్సిన నష్టం రెండు ప్రాంతాలకు జరిగింది....నాయకులకే లాభం ఎప్పుడు... ఇక మళ్ళి ఎన్నికల మానిపెస్టోలు మొదలు.... సీమాంధ్రకు న్యాయం జరిగేలా చూస్తాము అంటూ వాగ్దానాలు గెలిచే వరకు.... తరువాత విలీనాలు ఎన్ని కొత్త పార్టీలు వచ్చినా ఎందరు నాయకులు మారినా అధికారం, డబ్బు రాజ్యమేలుతున్న నేటి రోజులలో వారిదే  మరో సారి నిరూపితం అయ్యింది... మేడం గారు వారు కోరుకున్న పాదాభివందనాలు చేయించుకుంటున్నారు... యువరాజా వారికి పట్టాభిషేకానికి అడ్డంకులను తొలగిస్తూ..... ఎంత చక్కని ప్రజాస్వామ్యం మనది...ప్రజల కోసం ప్రజల చేత ఎన్నుకోబడిన చక్కని ప్రజాస్వామ్యం.... అందరు చూసారుగా రాష్ట్రంలో, పార్లమెంట్లో ఎంత హుందాగా నాయకులు, ఆ నాయకులు పట్టం కట్టిన పార్టీల అధినేతలు ఎలా చేశారో....
ప్రపంచం మొత్తం చూసిన మన విలువలు ఎంత గర్వకారణంగా ఉన్నాయో... ఒక్క అధినేత్రి భారత రాజ్యాంగాన్ని శాసిస్తోంది... తన కుటుంబానికి అనుకూలంగా మలచుకుంది...కనీసం ఇప్పుడయినా ఓటు అడిగే వాళ్ళను ఏం చేయాలో మీరే నిర్ణయించుకోండి.... మన ఓటుకు విలువ లేనప్పుడు అసలు ఇక ఎన్నికలు అవసరమంటారా...!! వాళ్ళ ఇష్టం వచ్చినట్టు చేసే అధికారం వాళ్ళు తీసుకున్నప్పుడు ఈ కంటి తుడుపు ఎన్నికలు... రాజీనామాల డ్రామాలు, కొత్త పార్టీలు ఎందుకు... జనాన్ని పిచ్చోళ్లని చేయడానికి మాత్రమే పనికి వస్తున్నాయి....!!




0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner