14, జులై 2014, సోమవారం

ఊపిరిగా మార్చుకుని....!!

గడియ ఆగలేని కాలం
గాలివాటుగా వెళ్ళిపోతోంది
నే మోయలేని భారాన్ని
తనపై వేసుకుని...!!
మనసు రాయిగా మారిపోయింది
తగిలిన దెబ్బలు తగులుతూనే ఉంటే
తప్పించుకునే దారి లేక తడబడుతూ
తల్లడిల్లి పోతోంది....!!
పడని అడుగుల పాదాల మొరాయింపు
పట్టి లాగుతున్న బాంధవ్యాలు మరోవైపు
దిక్కు తోచని ఎడారిలో పెనుగాలుల ఇసుక
తుఫానులో ఒంటరిగా...!!
హృదయం లేని పాషాణం ఎదురుగా
ముక్కలైన మది అల్లాడుతూ అర్దిస్తోంది
ఆత్మ నివేదనతో ఆంతర్యాన్ని తెలుపుతూ
ఆశనే ఊపిరిగా మార్చుకుని....!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner