9, జులై 2014, బుధవారం

ఆ అద్భుతం ఎలా ఉంది....!!

మనసు మూగతనాన్ని అలుసుగా తీసుకుని
అలల కలలు అస్తవ్యస్తంగా చేసిన మదిలో
మాటల ప్రవాహాన్ని అడ్డుకున్న గరళాన్ని
దాచిన చిరునవ్వు చాటుగా చూస్తోంది
దాగిన కన్నీటి సంద్రాన్ని చూపకుండా
ఆపగలిగిన ఆ మౌనాన్ని ఎలా చూపాలి...!!
తెలియని స్వరాల సమ్మేళనం గమ్మత్తుగా
మత్తుగా మాయ చేసినా చీకటి చాటున
చిరు వెన్నెల అందం తెలిసిన జీవితపు
గమ్యం చేరాలని ఆరాటం పోరాటం ఆటలో
ఓడిపోయిన  హృదయం అలసి సొలసి
ఆగిపోతే అలానే ఉండిపోతే తెలియని
ఆ అలౌకిక అనుభూతిలో మమేకమై
అదే తన ప్రపంచమని భ్రమలో బతికేస్తున్న
మరణ శయ్యపై కూడా మమతల
మాధుర్యాన్ని చవి చూస్తున్న
ఆ అద్భుతం ఎలా ఉంది....!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner