ఆత్మాభిమానం తలను ఎత్తిందిఅహంకారపు తిమిరాన్ని దాటుకుని
చేష్టలు ఉడిగిన చైతన్యం ఒక్కసారిగా
జూలు విదిలించి కట్టలు తెంచుకుంది
నిద్రాణమైన సత్తువ కొత్తగా నిదురలేచి
రహదారుల కొలతలు లెక్కలు వేస్తూ
అభిమానానికి అహానికి అడ్డు గోడలను
తొలగించే ఆయుధాన్ని సాధనంగా మలచే
మనసు మంత్రాన్ని జపించే యోగాన్ని
పురిటిగడ్డ ఋణ భారాన్ని మోసుకుంటూ
రుద్రభూమికి అంకురార్పణ చేసిన
కుంపటి నిప్పుల సెగల పొగల దాహాన్ని
కప్పేసిన దుప్పటి చాటుగా చూస్తున్న
దేహాన్ని వీడని ఆత్మని పంపుతున్న
తరుణాన్ని పహరా కాస్తున్న చివరి మజిలి
చెప్పిన ఆత్మకధ ఈ అక్షరాల అల్లిక....!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి