21, ఫిబ్రవరి 2015, శనివారం

ఏక్ తారలు...!!

20/2/15
1. వద్దంటే వెంట పడుతూ_జ్ఞాపకమై వేదిస్తున్నావు
2. నీ ఊహలైనందుకేమో_భావాల ఆభరణాలు అందంగా అమరాయి
3. ఎంత తవ్వినా వస్తూనే ఉన్నాయి_మనసు ఊటబావిలో  మన జ్ఞాపకాలు
4. గుండె చప్పుడులో వినిపించేది_నీ స్మరణమే కదా
5. బంధాలను బాధ్యతలను మోస్తున్నా_కాలానికి తర తమ బేధం లేదెందుకో
6. అప్పు రేపని చెప్పేసానే_మరెలా ఇప్పుడు
7. పారిజాత తొడిమతో_పడతి అధరానికి మంకెన చేరినట్లుంది
8. మనసు లోపాన్ని చూపించేది_ఆ కళ్ళే కదా
9. తొలి కిరణాల పలకరింపుల్లో_చేరినవి నీ తలపులే
10. విస్తరిస్తోంది వెన్నెల_చీకటిని చెల్లాచెదురు చేస్తూ
11. కాలానికి అసాధ్యమే_నీ తలపులను తనతో తీసుకెళ్ళడం
12. మన్నించే మనసుకు_ప్రతిదీ పవిత్రమే ఈ సృష్టిలో
13. భావాలన్నీ దాగున్నాయి_విరహానికి భయపడి
14. నీవు నేర్పిన విద్యయే కదా_నవ్వించినా కవ్వించినా
15. ప్రమాదం ప్రమోదమయ్యింది_ఫాలాక్షుని రాతను మార్చలేక
16. రక్తం రంగు ఒకటైనా_విభజనలో బోలెడు తేడాలు
17. కల కల్ల కాకూడదని_వాస్తవాలు ఎదురుగా
18. నేను నువ్వు వాస్తవంలో ఉంటే_గతంతో నీకేం పని
19. కొత్త గుభాళింపు మత్తులో_మమకారాన్ని మరచి మోహంలో పడిపోయాను
20. అలల కెంత సంబరమో_మళ్ళి కడలితో కలుస్తున్నందుకు
21. కళ్ళు నిండుకున్నాయి_విరహాన్ని విషాదాన్ని మదిలో దాయలేక
22. కాలం పోతూనే ఉంది_అనుభవాలను పంచుకుంటూ
23.  ఆత్మీయతా లేపనం రాశానుగా_అతికిన మదికి

1 మీరేమనుకుంటున్నారో.....చెప్పేయండి:

నవజీవన్ చెప్పారు...

మీ one liners (ఏక్ తారలు) సూపర్..

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner