13, ఫిబ్రవరి 2015, శుక్రవారం

ఈ అక్షరాల.....!!

గుండె గొంతునెవరో గుప్పిట పట్టి
జ్ఞాపకాలను కాల్చేసిన ఆనవాళ్ళు 
మనసుని పిండేస్తుంటే...

ప్రతి క్షణం వెంట పడి తరుముతూ
బంధాలను అదిలించి దారి మళ్ళించి
ఆశను ఎరగా వేస్తూ....

అనుబంధాలను మరో చోటుకి బదలాయించి
ఆత్మీయతకు అగ్గిపుల్లతో వెలిగించిన మంటలలో
హృదయపు నెగడు మండుతూ....

సగం ఎండిన వేపచెట్టు నీడలో సేదదీరుతూ
గతించిన జీవితం రాల్చిన కన్నీటి చుక్కల చెమ్మలో 
కనిపించని మలయ సమీరం...

చుక్కల లెక్కల్లా తేలని బాంధవ్యాలు ఎన్నున్నా
వేసారిన మదికి ఊరట అందించే చెలిమి 
ఈ అక్షరాల ఆత్మ బంధమైంది...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner