14, నవంబర్ 2015, శనివారం

కృతజ్ఞతా వందనాలు _/\_.....!!

తెలుగంటే చిన్న చూపు అదీకాక వచన కవిత్వమంటే కూటికి గుడ్డకు రానిదని చాలా మందికి ఉన్న అభిప్రాయం.. అవసరానికి ఆంగ్లం తప్పనిసరి అయిన ఈరోజుల్లో అమ్మ భాషలోని కమ్మదనాన్ని అమ్మదనాన్ని ఎంతమంది ఆస్వాదించ గలుగుతున్నారు..? వచ్చిరాని ఆంగ్లాన్ని అవసరానికి మించి వాడేస్తే మనకేదో బోలెడు చదువు వచ్చు అనుకుంటారని అనుకోవడం పొరబాటు.. భాష అనేది భావాలను ఇతరులతో పంచుకునే వారధిగా కావాలి.. హంసలదీవిలో ఉన్నా అమెరికాలో ఉన్నా మన భావాలను ఇతరులకు అర్ధం అయ్యేటట్లు చెప్పలేక పొతే ఆ భాష ఎంత గొప్పదయినా పనికిరానిదే అవుతుంది...అమ్మ భాషలోని మాధుర్యం, మమకారం పరాయి భాషలో పట్టుకుందా మన్నా దొరకదు...  
నన్ను చాలా మంది చిన్న చూపు చూశారు అలా అని నేను అమ్మ భాషనూ వదలలేదు.. అమ్మను వదులుకోలేదు... మాటలు రావన్నారని మాటలు మరచిపోలేదు .. నా ముందే వెకిలిగా నవ్వారు పట్టించుకోలేదు... ఎప్పటికయినా గెలవాలన్న తపన ఉండేది.. నా కోసం నేను రాసుకున్న నా అక్షరాలు నాకు అందించిన ఓదార్పు కానివ్వండి, ధైర్యం అనుకోండి .. దానికి ఏ పేరు పెట్టినా 500 పై చిలుకు ఉన్న కవితల్లో 135 కవితలను "అక్షరాల సాక్షిగా... నేను ఓడిపోలేదు " అన్న వచన కవితా పుస్తకంగా ఆవిష్కరిస్తే.. ఆ పేరుకు తగ్గట్టుగానే ఆత్మీయుల అభిమానం ముందు కనీ వినీ ఎరుగని రీతిలో అక్షరానికి ఓటమే లేదని నిరూపించారు... ప్రత్యక్షంగా.. పరోక్షంగా అభినందించిన ప్రతి ఒక్కరికి కృతజ్ఞతా వందనాలు _/\_ ....!!

3 మీరేమనుకుంటున్నారో.....చెప్పేయండి:

sarma చెప్పారు...

ఎవరేమనుకున్నా మీరు అమ్మను మరువలేదు, సంతసం

అజ్ఞాత చెప్పారు...

Great work Manju- Pramod

Chandra Vemula చెప్పారు...

బావ్హుకతంటే చిన్న చూపు, వచన కవిత్వం కూటికి గుడ్డకు రానిదని
హంసలదీవిలో ఉన్నా అమెరికాలో ఉన్నా భావాలను ఇతరులతో పంచుకునే వారధి .... భాష
చిన్న చూపు చూసినా ....
మాటలు రావన్నా ....
వెకిలిగా నవ్వినా
గెలవాలన్న తపన పట్టుదల ....
అక్షరాలు అందించిన ఓదార్పు ధైర్యం
అందుకే ఆ విశిష్టత కవయిత్రి మంజు గారిలో
అభినందనలు

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner