20, అక్టోబర్ 2016, గురువారం

మరబొమ్మ....!!

రెప్పచాటు స్వప్నాల
ఎదురుతెన్నులు రేయింబవళ్ళు
నిదురోయే కనుపాపల
అలికిడిలో జీవించాలని

కలత పడే కనులకు
కన్నీటి నేస్తాల పలకరింతలతో
ఘడియకో ఘనమైన గతానికి
జ్ఞాపకాల ఆలంబనలు

తడబడుతూ  పడిలేస్తూ 
అమాయకత్వపు అడుగుజాడలు
అడ్డదిడ్డంగా అడ్డుపడుతున్నా
ఆశల తీరాలకై పరుగులు

ముగ్ధంగా ముడుచుకున్న
మల్లెమొగ్గ విచ్ఛుకోవాలంటూ
తపన పడే పరిణామ క్రమానికి
యాంత్రికత చేరికైతే.. మిగిలేది మరబొమ్మే....!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner