22, నవంబర్ 2016, మంగళవారం

నైతిక విలువల కట్టడం....!!

అనుకోని అవాంతరాలు అడ్డుగా వచ్చి
పురాతన ప్రాకారాలు పడిపోతున్నాయి
చెప్పాపెట్టకుండా రద్దుకాబడిన
పెద్దనోటు తన ఉనికిని కోల్పోయి
కాలంనాటి భోషాణం కథగా
రేపటి రోజున మిగిలి పోతుంది
ఒకప్పుడు ఎద్దేవా చేసిన చిల్లర బతుకులే
ఈనాడు చేయూతగా మారుతున్నాయి
రాజకీయపు జూదంలో రంగు వెలసిన 
సామాన్యుని ఓరిమి ఓడిపోయి 
మరో ప్రహసనానికి నాంది పలకాలని
నిరాశావాదంలో నుండి ఆశావహ దృక్పథానికి
చేరాలని తపన పడుతూ ఆసరా లేక
ప్రహరి గోడల చాటుగా నిలబడిపోయింది
ఈనాటి నైతిక విలువల కట్టడం....!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner