7, నవంబర్ 2016, సోమవారం

ఎప్పుడూ నిత్య నూతనమే...!!

శుభ సంకల్పం సినిమా చూస్తుంటే మా చిన్నప్పటి రోజులు గుర్తుకు వచ్చాయి. మేము ఆడుకున్న ఇంట్లో ఈ సినిమా తీశారు. సినిమా తీసేటప్పుడు అక్కడ మేము లేములెండి, కానీ అవి అన్ని చూస్తుంటే మా అల్లరి, ఆటలు అన్ని గుర్తుకు వచ్చాయి. స్కూల్లో ఉన్నప్పుడే పక్కన భీమసింగ్ బ్రిడ్జి దగ్గర గూండా  షూటింగ్ జరుగుతుంటే మధ్యాన్నం స్కూల్ ఎగ్గొట్టి నాతోపాటు మరికొంత మందిని కూడా ఆ షూటింగ్ కి తీసుకు వెళ్లడం, తరువాతరోజు మా హెడ్ మాస్టర్ ప్రేయర్లో నన్ను సుతిమెత్తగా తిట్టడం, ప్రతి సంవత్సరం కార్తీక మాసం వచ్చిందంటే చాలు వన భోజనాలకు చేసిన హడావిడి, అబ్బో ఇలా చెప్పుకుంటూ పొతే మా పినవేమలి, జొన్నవలస, విజయనగరం కబుర్లు బోలెడు.....భలే ఉండేవి ఆ రోజులు అందుకే అంటారు... బాల్యం ఎప్పుడూ మధురమే అని... ఏమి తెలియని ఆ వయసు, కల్మషం ఎరుగని మనసులు .. కాబట్టే ఆ బాల్య జ్ఞాపకాలు ఎప్పుడూ నిత్య నూతనమే...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner