13, మార్చి 2017, సోమవారం

అతిశయమెందుకో అక్షరానికి..!!


అద్దంలా అగుపిస్తూ
అనంత పద సంపదకు
బాసటగా నిలిచినందుకేమో

అనునయాల అభిమానాలకు
చిప్పిల్లిన కన్నీళ్ళకు చేరువ
తానైనందుకేమో 

మధన పడే మనసుకు
మూగబోయిన భావాలకు
చేయూతగా మారినందుకేమో

ఆనందాలకు నెలవుగా
దుఃఖాలకు ఓదార్పుగా
ఆత్మవిశ్వాసాన్ని అందిస్తున్నందుకేమో

ఓటమి క్షణాలకు తలవంచి
విజయ పథానికి తావిచ్చి
గెలుపు పిలుపు వినిపిస్తున్నందుకేమో

ఏకాంతానికి ఎడబాటుకి
గతానికి వర్తమానానికి
ఏకైక నేస్తంగా చేరినందుకేమో

అతిశయమెందుకో అక్షరానికి
అర్ధమైన అనుబంధం జత కలిసి
క్షణాల జ్ఞాపకాలను యుగాలకు దాచినందుకేమో...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner