15, ఏప్రిల్ 2018, ఆదివారం

ఆత్మఘోష...!!

బంధాలను తెంచుకుని
బాధ్యతలను వదిలించుకుని
పాశాలన్నింటికీ దూరమైపోతూ

మాటలు అరుపులు ఆక్రోశాలు
మతాలు కులాలు కుతంత్రాలకతీతంగా
శవ రాజకీయాలకు తావీయవద్దంటూ

రాక్షసత్వానికి పరాకాష్ఠగా
రాతిబొమ్మలే సాక్ష్యాలుగా మిగిలితే
కన్నీరు సైతం  కంటతడి పెట్టిన వైనం

ఎక్కడికో ప్రయాణమై వెళుతున్నట్లు
పార్థివ శరీరం బయలుదేరింది
అంతిమ సంస్కారం కోసం

మరో ఆశ్రయానికై వెదుకులాటలో
భూమ్యాకాశాల మధ్యన తేలుతోంది
అన్ని తెలిసిన ఆత్మనే అశరీరం...!!

3 మీరేమనుకుంటున్నారో.....చెప్పేయండి:

Padmarpita చెప్పారు...

అత్మ ఘోషించలేక కొట్టుమిట్టాడుతుంది. చాలా బాగారాసారు.

GKR CHANNEL చెప్పారు...

good morning
its a nice information blog
The one and the only news website portal INS Media.
please visit our website for more news updates..
https://www.ins.media/

చెప్పాలంటే...... చెప్పారు...

ధన్యవాదాలు అండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner