9, మే 2018, బుధవారం

అసత్య జీవితాలు....!!

ఏకాకుల్లా బతికేస్తున్నాయి 
ఎలిగాకులమైపోయామని తెలుసుకోలేకున్నాయి 
ఏతావాతా మనమే గొప్పని ఎగిరెగిరి పడుతూ 

బంధాలు భారమౌతున్నాయి 
రక్తసంబంధాలు రోకలిపోట్లు పొడుస్తున్నాయి
అనుబంధాలో అగచాట్లో అవగతం కావడం లేదు 

పురుషార్ధాలకై పాట్లు పడుతున్నాయి 
పూజల పుణ్యాలన్నీ తమవేనంటున్నాయి 
ఎవరికి తెలియని భాగోతాలో ఈ విషపు నైజాలవి 

ఆర్తి పలుకులకు అర్ధాలు మారాయి 
అభిమానం మరచిన  నాటకీయతలు రాజ్యమేలుతున్నాయి 
నయవంచనలో నటనా చాతుర్యాలో మరి 

ఆత్మీయతలు అక్కర్లేని దౌర్భాగ్యాలైనాయి 
అహంకారాలే ఆభరణాలనుకుంటున్నాయి 
అటూ ఇటూ కాని అర్ధనగ్న అసత్య జీవితాలు...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner