11, జూన్ 2018, సోమవారం

ఏక్ తారలు...!!

1.  పంచాంగం పరిహసిస్తోంది_పరామర్శకు మీనమేషాలు లెక్కిస్తున్నావని...!!

2.  అమాస అల్లరి చేస్తోంది_పాడ్యమి పలకరింపుకు వస్తోందని...!!

3.   కలతలను మాపేయాలి_కలల ఉలికిపాటుకు ఊరటగా...!!

4.   కనుమరుగు కాలేని కాంతిపుంజాన్నే_చుక్కలెన్నయినా నీ చేరువలోనేనంటూ...!!

5.   నేనో మౌనాన్ని_నీ మనసు చదివే క్షణాల్లో...!!

6.  నేనో నాదాన్ని_నీ స్వరంలో ఒదిగిపోతూ...!!

7.  నేనో ఉద్వేగాన్ని_నీ అనుభూతులకు ప్రాణం పోస్తూ...!!

8.   నీ మనసు_ఎన్నో మౌనాలను దాచుకున్న సంద్రం..
!!

9.   నేనో అలజడిని_అవిశ్రాంతంగా నిన్ను తట్టిలేపుతూ..!!

10.   నేనో మెలకువను_నీ కలలకు అర్ధాన్నౌతూ...!!

11.   మాయ తెలియదు మనసుకు_కలను కల్లగా మార్చడానికి...!!

12.   కందమూలాలకు కటకటలౌతోంది_శాకాహారం విలువ తెలిసాక...!!

13.   రెప్పలు దాచేసిన కన్నీళ్ళు_అలవోకగా అక్షరాల్లో ఒలికిపోతూ....!!

1 మీరేమనుకుంటున్నారో.....చెప్పేయండి:

SURYAA చెప్పారు...

dear sir very good blog and very good content
Telangana News

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner