14, ఆగస్టు 2018, మంగళవారం

మరో స్వరాజ్యమెప్పుడో..!!

స్వరాజ్యమా నువ్వొచ్చావట
నీ చిరునామా కాస్త చెప్పవూ

రాజకీయాల మత మౌఢ్యాల
గుప్పిళ్ళలో దాగున్నావా

కులాల కార్చిచ్చుల్లో పడి మగ్గుతూ
అస్పృశ్యతకు అందుబాటులోనున్నావా

మువ్వన్నెల రంగులకు ముక్తాయింపుగా
గగనానికి ఎగురుతున్న సీతాకోకచిలుకల్లో చేరావా

మూడుకాళ్ళ ముదుసలివైనావని చేష్టలుడిగి మంటగలుస్తున్న మానవత్వంలో దాగుండిపోయావా

తరాలు మారుతున్నా తరగని
అంతరాల నడుమ తల వంచుకుంటున్నావా

రెపరెపలాడుతున్న ఆశల రెక్కల్లో
వెతికి వెతికి వేసారిన జీవితాలకు మరో స్వరాజ్యమెప్పుడో..!! 

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner