31, ఆగస్టు 2018, శుక్రవారం

చీకటి..!!

వేకువ పొడుపులు తెలియని
వెన్నెల అందాలు చూడలేని
వేవేల వర్ణాలన్నింటిని
తనలో ఇముడ్చుకుని
అమాస చీరను చుట్టుకుని
వెలుగుకు తోడుగా తానుంటానని
స్నేహానికి మరో రూపమై నిలిచి
సుఖ దుఃఖాల సమ్మేళనాన్ని
జీవన్మరణాల సమతౌల్యాన్ని
అంతర్లోకాల పరిచయాన్ని
ఆనంద విషాదాల అర్ధాన్ని
మనసుల మౌనాన్ని చూడగలిగే
మరో ప్రపంచపు వెలుగురేఖగా మారి
శూన్యాన్ని సైతం సవాలు చేసేది
ఈ చిమ్మచీకటొక్కటే..!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner