28, సెప్టెంబర్ 2018, శుక్రవారం

ఖాళీ అధ్యాయం...!!

తెరచిన జీవితపు పుస్తకంలో
అక్షరాల అనుభవాలతో
గతాల జ్ఞాపకాలతో
గాయాల కన్నీళ్ళతో
నిండిన పుటలే ఎక్కువ

పుట్టుకతో మెుదలుపెట్టి
పసితనం, బాల్యం, కౌమారం
నడివయసు, ముసలితనాలంటూ
చీకటి వెలుగుల దోబూచులాటలతో
బాంధవ్యాల బంధిఖానాలో
బతుకు వెళ్ళదీత

మనకి మనం రాసుకోలేని
ఖాళీ అధ్యాయమెుకటి
కాచుకునే ఉంటుందెప్పుడు
ఆగిన గుండె చప్పుడును
అనువదించలేని భావాలుగా
యంత్రాలు సైతం మూగబోయే
సమయమే నిర్జీవ దేహయాత్ర....!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner