17, అక్టోబర్ 2018, బుధవారం

ఎందుకు...!!

గాయాల గతమెందుకు
గమనమెరుగని బతుకులుండగా

మరలిపోయిన నవ్వులెందుకు
మసకబారిన కలలుండగా

కాలిపోయిన ఆశలెందుకు
కలతబారిన మనసుండగా

వదిలిపోయిన బంధాలెందుకు
ముడిబడని సంబంధాలుండగా

సడిలేని సందడెందుకు
చాటుమాటు సరదాలుండగా

చెరిగిపోయిన రాతలెందుకు
చెరగని విధిరాతలుండగా

రాలిపోయిన పువ్వులెందుకు
పూజకు నోచని విగ్రహాలుండగా

మరచిపోయే జ్ఞాపకాలెందుకు
మరపు వరమిచ్చే కాలముండగా

నీ కోసం మరుజన్మెందుకు
యుగాల నిరీక్షణకు తెరదించగా...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner