2, నవంబర్ 2018, శుక్రవారం

ద్విపదలు...!!

1.  అదే మాట
మన మనసులను పరిచయం చేస్తూ...!!

2.  మౌనమెప్పడూ మాటల్లోనే
మనసు పారేసుకున్న క్షణాల్లో దొర్లిపోతూ....!!

3.   ఆరాధనకర్ధం ఇదేనేమెా
నిరీక్షణనూ ఆస్వాదిస్తూ...!!

4.  అక్షరాలూ తొందర పడుతున్నాయి
పదాల ప్రవాహంలో కలవాలని...!!

5.   విడలేని అక్షర బంధమది
పదాలన్నీ నీతోనే ముడిబడినందుకనుకుంటా...!!

6.    వినిపించిన శబ్దమేదో వెంటాడుతోంది
గతజన్మ జ్ఞాపకాన్ని తలపిస్తూ...!!

7.   మనసెప్పుడూ ఇంతేనేమెా
మౌనాన్ని నీతో నింపి మాట్లాడించేస్తూ...!!

8.   చీకట్లో నక్షత్రాల వెలుగు
తప్పిపోయిన అనుబంధం వెదుకులాడుతూ...!!

9.   మనసు పుస్తకమింతే
మౌనపు ముచ్చట్లను అక్షరాల్లోనికి ఒంపేస్తూ...!!

10.   మనసు పడినందుకే ఈ మరులు
మరపు సాధ్యం కాదని తెలియక...!!

11.   అక్షరం మౌనవ్రతం వీడింది
మదిలోని మాటల వెల్లువకు...!!

12.   నిశ్శబ్దం ఇష్టంగా ఉంది
స్తబ్ధత నిండా నువ్వున్నావని...!!

13.   అలరించింది నీ రాగమే
అలవోకగా నిరీక్షణ గమకాలై....!!

14.   నిరీక్షణ ఓ రాగమైంది
నీ మదినలరించే మలయమారుతంగా...!!

15.   గెలిచింది అక్షరాలే
పడుతూ లేస్తున్న జీవితాన్ని అందుకుని...!!

16.   చదువుతోంది నిన్నే
గెలిచిన మనసుని అక్షరాలుగా మలుస్తూ....!!

17.   కలలే ప్రియం
నిన్నే చూపిస్తాయని...!!

18.   కథలే నయం
కబుర్లు పంచుతుంటాయలా....!!

19.   మనసాకలి అక్షరానికెరికయ్యింది
భావాల విందుకు సమాయత్తమౌతోంది అందుకే...
!!

20.   నిశ్శబ్దం నిష్క్రమించడం మర్చిపోయింది
నీతో నిండిన జ్ఞాపకాల క్షణాలను కాలానికి అప్పగించలేక...!!

21.  చేయందుకున్న క్షణాలివేగా
గుర్తెరిగిన మనసు గమనించి దగ్గరైనప్పుడు...!!

22.  కదిలిపోయేది కాలమే
కలిసిన క్షణాలను మనకు వదిలేసి....!!

23.   కన్నీటి వెచ్చదనం తాకింది
వేడిమి గుండె మంటదైనందుకేమెా...!!

24.  అక్షరాలతో గెలుపుబాటలు వేసుకుంటున్నా
అవమానాలను ఆయుధాలుగా చేసుకుని....!!

25.   పాతబడినా కొత్తదనమే ఎప్పుడూ
మనసు పడిన మాటైనందుకేమెా...!!

26.   మంత్రమూ లేదు తంత్రమూ లేదు
మనసు మైమరచి నవ్వుగా చేరిందంతే....!!

27.   పలుకులు పదిలమయ్యాయి
నీ మది సవ్వడి కలిసినందుకనుకుంటా...!!

28.   అక్షరమెుక శరం
సూటిగా తాకితే అణ్వాయుధమై జ్వలిస్తూ....!!

29.   మనసు రంగే అక్షరానిది
మమేకమైన భావాలకు రూపానిస్తూ...!!

30.   కథలెలా అల్లాలో మర్చిపోయా
కతే మనదని తెలిసాక..!!

2 మీరేమనుకుంటున్నారో.....చెప్పేయండి:

jamesfo8376 చెప్పారు...

A powerful share, I simply given this onto a colleague who was doing somewhat evaluation on this. And he in fact purchased me breakfast as a result of I discovered it for him.. smile. So let me reword that: Thnx for the deal with! However yeah Thnkx for spending the time to debate this, I really feel strongly about it and love studying more on this topic. If doable, as you grow to be expertise, would you mind updating your blog with extra particulars? It's extremely helpful for me. Big thumb up for this blog put up! online gambling casino

చెప్పాలంటే...... చెప్పారు...

థాంక్యూ

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner