21, డిసెంబర్ 2018, శుక్రవారం

యాది..!!

పరిచయం పాతదే అయినా
యాదికి రావడం లేదెందుకో
యాంత్రికత మదినాక్రమించేశాక
యంత్రాల్లా బతికేస్తూ
జ్ఞాపకాలను పాతిపెట్టేసిన
అర్ధనగ్నపు బతుకులైపోయాక
చెదిరిపోయిన బంధాల
గుర్తులను గమనించలేక
గతపు రాకపోకలను
గాయాల ఆనవాళ్ళను
కానుకలనుకుంటూ
కాసుల కోసం కుమ్ముక్కైన
నిర్జీవపు తోబుట్టువుల
మనసు ముసుగులను
తొలగించిన క్షణాలను
వల్లె వేసుకుంటూ
మరో మనిషిలా మారిపోతున్నా...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner