14, మార్చి 2019, గురువారం

ఏక్ తారలు...!!

1.   కలంలో ఒదిగిన సిరా_కాలపు క్షణాలను ఒద్దికగా లిఖిస్తూ....!!

2.  చెదరని గురుతులవి_వదలక వెంబడిస్తూ...!!

3.   సరాగమూ విరాగమే_మనసాక్షరాలకు మనసెరుక కానప్పుడు...!!

4.   గత'మది' ఘనమైనదే_జ్ఞాపకాల మంజూషమై...!!

5.   కుంచెడు నవ్వులొలికాయిగా_పుంజీడు పలుకులకు...!!

6.   మనసు విదిల్చిన సిరాచుక్కలు_సాంగత్యానికి నోచుకోని శిథిలాక్షరాలేమెా....!!

7.   ఆకాశమంత ఆదరణ అమ్మది_కన్నీటి కడలిని తనలో దాచుకున్నా...!!

8.    దైన్యానికి ధైర్యమద్దింది_మది గాయాలకు రాగాలు నేర్పి...!!

9.   క్షణమైనా ఆగలేదు_కాలానికెంత అసహనమెా...!!

10.  కొలమానమక్కర్లేని మనసులవి_స్వచ్ఛతకు మారుపేరుగా...!!

11.   చందమామ కథలకు నోచని బాల్యమిది_అమ్మ లాలిపాటలకు దూరమై...!!

12.   మన్నన మప్పిదమే ఎప్పుడూ_వేదికనెక్కిన వేర్పాటువాదులకన్నా...!!

13.   లయ తప్పని నాదమది_యుద్ధభేరైనా అస్త్ర విన్యాసమైనా...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner