మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
దగ్గరగా హత్తుకో
వ్యక్తిలో మార్పుతో
వ్యవస్థను కదిలించు
మెుదటి అడుగు
నీదే కావాలని
ఎందుకనుకోవు ఎప్పుడూ
అందరు నడిచే దారిలో
నడవాలని అనుకోనప్పుడు
సవాళ్ళకు సమాధానం చెప్పే
గుండె ధైర్యం నీకుండాలి
చరిత్ర రాయాలనుకోకు
ఆ చరిత్రలో నీ పేరుండాలని
నీ బాటలో నలుగురు నడవాలన్న
సరికొత్త ఆలోచనలతో
మనసుకు పదును పెట్టు
అందలాలెక్కించినా
అధఃపాతాళానికి నెట్టేసినా
అహం నీ దరి చేరనివ్వకు
నిజాయితీని తాకట్టు పెట్టకు
ఓదార్పునిచ్చే ఆలంబనైన
అక్షరాలను విసిరేయకు...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి