6, డిసెంబర్ 2021, సోమవారం

చీకటి మరకలు..!!

చీకటి మరకలు
చిత్తంలోనే
మగ్గుతున్నాయి

వెలుతురు నీడలో
వెంటాడే
క్రీనీడలకు చిక్కకూడదని

మబ్బుల మాటున
మనసును
దాచే ఆట మెదలయ్యింది

మౌనాన్ని ఆవాహన
చేసుకున్న
మాటలకర్థం వెదుకుతూ

ఓ పక్కన
చితిని పేర్చుతున్నా
భయమనిపించడం లేదు

చెంతనే
చిరునవ్వు తోడుగా
ఉన్నందుకనుకుంటా

గాయాలన్నీ
కాలిపోతాయని
ఎదురుచూస్తూంటే

ఆ గతపు మంటల నుండి
జ్ఞాపకాల నుసి
ఎగసిపడుతూనే వుంది

అక్కడక్కడా
రాలిన కన్నీటి చుక్కల
చెమ్మదనం ఇంకిపోలేదింకా

అక్షరాలకంటిన తడి
అద్దాల మేడలకు 
తాకలేదని ఆలస్యంగా తెలిసింది..!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner