7, మే 2010, శుక్రవారం

కధ కాని కధ - పార్ట్ 4

ఇంతకి నేనెవరో చెప్పలేదు కదూ...మా నాన్న కూతుర్ని. ఇలా ఎందుకన్నానంటే...మీకు కోపం రావచ్చు అయినా చెప్తాను ఏ తండ్రి పెంచనంత ప్రేమగా ఏదైనా అడగకుండానే ఇచ్చి నేనే తన ప్రపంచంగా చేసుకున్న మా నాన్న కధ..నాకద ఇది.

నేను పుట్టగానే ఇంక ఎవరు వద్దని నేనే చాలని ఎంతో అపురూపంగా అల్లారుముద్దుగా పెంచారు. మరీ బాగా వున్న కుటుంబం కాక పోయినా దేనికి లోటులేని సంసారం. చెప్పానుగా అమ్మమ్మ వాళ్ళు మేము అందరం కలిసే వుండే వాళ్లము. నేను మా మామయ్యా ఒకటే క్లాసు కాకపొతే నేను కొద్దిగా మొండిదాన్ని.తన చేతిలోది ఏదైనా కావాలి అంటే పాపం వెంటనే ఇచ్చేసేవాడు.ఒకటి ఒక్కటే మా ఊళ్లో చదివాము రెండు నుంచి వేరే ఊరిలో..అమ్మమ్మ మాతో వుండేది అమ్మమ్మ వాళ్ళ చెల్లెలి కూతురి కోసం అని మమ్మల్ని కుడా అక్కడ చదివించారు. ఆ టైం లో మా నాన్న రొయ్యల వ్యాపారం, వ్యవసాయం చేసే వాళ్ళు. అలా దేనికి ఇబ్బంది లేకుండా ఆరు వరకు అక్కడ చదివాము. మద్యలో పిన్ని వేరే వెళిపోయింది . మేము కొన్ని రోజులు వుండి అమ్మకు ఆరోగ్యం బాలేకపోతే మా ఊరు నుంచి బస్సు లో స్కూల్ కి వెళ్ళెవాళ్ళము. అప్పట్లో కాలేజీ కి కుడా ఎక్కువమంది వెళ్ళే వాళ్ళు కాదు. ఉప్పెన వచ్చి వ్యాపారం లో నష్టం తో అది ఆపేశారు. మొత్తం పొలాలు అమ్మి అందరమూ వేరే వూరు వెళ్ళాము. నాన్న స్నేహితుడి పొలాలు కొన్నారు. డబ్బులు ఇచ్చేసారు కాని రాయించుకోలేదు.

మా నాన్నకు నాటకాలు రాయడం, వేయడం, వేయించడం, పుస్తకాలు చదవడం బాగా అలవాటు. వాటిలో పుస్తకాలు చదివే అలవాటు చిన్నప్పటి నుంచే నాకు వచ్చింది. నేను మామామయ్య ఇద్దరమూ ఎవరు ఏ పుస్తకం ముందు చదవాలి అనేది కుడా ముందే పంచుకునేవాళ్ళము. మా ఇంట్లో ఏది వున్నా ఇద్దరికీ చెరిసగం అన్నమాట అది చెట్టు అయినా కాయ అయినా ఏదైనా సరే…నా చిన్నప్పుడు బహుశా మీరు నమ్మరేమో కాని రెండో క్లాసులో అనుకుంటా యద్దనపూడి గారి రాధాకృష్ణ సీరియల్ గా ఆంధ్రజ్యోతిలో వచ్చేది అప్పటి నుంచి ఇప్పటివరకు దొరికిన ప్రతి పుస్తకాన్ని చదువుతూనే వున్నాను. అంతకు ముందు విష్ణుమాయ అమ్మతో చదివించుకుని బడికి వెళ్ళేదాన్ని ఎందుకంటే అప్పుడు చదువుకోడం రాదుగా!! బాలజ్యోతి,చందమామ, బాలమిత్ర, బొమ్మరిల్లు, బాబు బొమ్మల పుస్తకాలు, ఆంధ్రజ్యోతి,ఆంధ్రభూమి, పీపుల్స్ ఎన్కౌంటర్, చిన్నయసూరి కధలు, ఇలా దొరికినవి అన్ని చదివేస్తూ ఉండేదాన్ని. నాన్న ఎంత ఇబ్బందిలో వున్నా నాకు పుస్తకం కొని ఇవ్వడం మానలేదు ఇప్పటికి కుడా...

మళ్ళి కలుద్దాం...

3 మీరేమనుకుంటున్నారో.....చెప్పేయండి:

అజ్ఞాత చెప్పారు...

visit godsavemedia.wordpress.com

శరత్ కాలమ్ చెప్పారు...

సో మీరు పుస్తక ప్రియులన్నమాట. నేను ఛోటా పుస్తక రచయితని. మా నాన్నగారూ పుస్తకప్రియులే. నా చిన్నప్పుడు మా ఇంట్లో పెద్ద లైబ్రరీ వుండేది.

పేరా పేరాకి మధ్య ఒక లైన్ స్పేస్ ఇస్తే టపా చదవడానికి బావుంటుంది.

చెప్పాలంటే...... చెప్పారు...

sarenandi....

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner