18, ఆగస్టు 2013, ఆదివారం

వేల జన్మలు జీవించి.....!!

దేశం కోసం వేల జన్మలు జీవించి
మరణమన్నది దరి చేరకుండా
పురిటి గెడ్డను కావలి కాయాలనుంది...!!

కన్నతల్లిలా అక్కున జేర్చుకున్న పుణ్య భూమి
అనుబంధాలను మమతానురాగాలను పెంచిన
మాతృభూమి ఋణం ఎన్ని జన్మలెత్తితే తీరును...!!

కన్నవారి పాశం తలకొరివితో సగం తీరినా
అన్ని బంధాల నిచ్చిన ఆత్మ బంధువు
జన్మభూమి మమకారం ఎప్పటికి మాయమౌను...!!

బతకడానికి సప్త సముద్రాలు దాటి పోయినా
మనసున్న మారాజులు మరువలేని మాతృ ప్రేమ
అమ్మ ప్రేమకు ధీటుగా దొరకునా ఏదైనా ఎక్కడైనా....!!

ఎలా ఉన్నా ఎప్పుడు వచ్చినా తోసి పారవెయ్యని
అమ్మని గన్న యమ్మ మన భారతమ్మ
రారమ్మని అక్కున జేర్చుకుంటుంది ఆనందంగా...!!

అందుకే వేల సార్లు మరణించినా
మళ్ళి మళ్ళి ఈ నేల మీదే పుట్టాలనుంది
తనివి తీరని మాతృభూమి స్పర్శలో సేద తీరాలని...!!

2 మీరేమనుకుంటున్నారో.....చెప్పేయండి:

వనజ తాతినేని/VanajaTatineni చెప్పారు...

వండర్ ఫుల్ మంజు గారు .

చెప్పాలంటే...... చెప్పారు...

dhanyavaadalu vanaja gaaru

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner