3, జనవరి 2014, శుక్రవారం

నవరత్నాల రాజసాన్ని.....!!

రత్నాల రాశులు కుప్పలుగా పోసి
నక్షత్రాల వెలుగులో నీ కోసం చూస్తూ....
ముత్యాల రాశిలో మురిపెంగా చేయి వేసా
జల జలా జారిపోయింది చేతికందకుండా
నీ కోసమే ఈ ముత్యాల పానుపంటూ...
పగడాల రాశి పక్కున నవ్వింది
పలువరుస తళుక్కుమనేలా
నీ చిరు దరహాసంతో పోటి పడుతూ...
మాణిక్యం మెల్లగా జారుకుంది
నీ బుగ్గల కెంపుల కాంతికి తడబడి పోతూ...
మరకతమణి పచ్చని పచ్చికను స్పృశించిన
అనుభూతిని అందించింది నీ స్పర్శలో...
పుష్యరాగాల సరాగాల రవళి
నీ పాదాల సవ్వడిలో చేరి
గోమేధికాల అడుగుల్లో కలసి పోయి
వజ్ర వైడూర్యాల నీల మణిని
నవరత్నాల రాజసాన్ని ఏర్చి కూర్చి
నాకందించిన విధాతకు వందనాలు...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner