17, మే 2014, శనివారం

చిన్ననాటి చెలిమి.....!!

నేను నాకే తెలియని ఆ వయసులో 
ఎవరికీ చెప్పకూడదని దాచుకుంటే 
అనుకోకుండా దూరంగా వెళిపోయిన
కనిపించని నీ కోసం కాస్త కాస్త వెదికితే
చిరునామా చిక్కినా చేరలేని అంతరాన్ని
ఆంతర్యంలో వదులుకోలేక దగ్గరగా రాలేక
చేరువలో ఉన్నా చేరలేని అంతర్మధనాన్ని
అడ్డుకుంటూ కాలానికి దాసోహమై మదిని
మధనాన్ని మధుర కలశాలుగా మార్చుకునే
అంతరంగపు ఆలోచనా ప్రవాహానికి అడ్డుకట్టలు
వేయాలన్న తాపత్రయం నిలువరించలేని నేను
నీ కోసం ఎదురు చూసిన క్షణాలు లెక్కలు
వేయలేని చుక్కల ఆకాశాన్ని తలపించినా..... 
మార్చుకున్న మనసును జోకొడుతూ
ఆనాటి అమాయకత్వంఅలానే ఇప్పటికి
ఎప్పటికి నిజమేనని చెప్పాలనిపించినా
చిన్ననాటి చెలిమి చెప్పకనే తెలియాలని
నా జ్ఞాపకాల పుటల్లో నీ కోసం  నే దాచుకున్న
ఆ కల్మషమెరుగని భావజాలాలు నిజమని
చెప్పాలని ఉండి చెప్పినా నీ సన్నని చిరునవ్వుతో
మన స్నేహాన్ని చిరకాలం నిలిపిన నీకు అభివందనం...!!

2 మీరేమనుకుంటున్నారో.....చెప్పేయండి:

ఓచిన్నమాట చెప్పారు...

ఒక్క శనక్కాయలవుండని నలుగురు పంచుకున్నంత తియ్యగావుంది

చెప్పాలంటే...... చెప్పారు...

mi spandana kuda anta madhuramgaa undi dhanyavaadaalu

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner