12, నవంబర్ 2016, శనివారం

తస్మాత్ జాగ్రత్త...!!

అనుబంధం అబద్దమై వెక్కిరిస్తూ
చాటుమాటు స్నేహాల మాయలో
సూటిపోటి మాటల చురుక్కులను
తట్టుకోలేని మనసు చస్తూ బతుకుతూ 
తప్పొప్పుల చిట్టాపద్దులు దాచేసి
మంచితనపు ముసుగు వేసుకుంటే
సమాజపు గుంపులో కలిసిపోయి 
వాళ్ళలో మనమూ ఒకరమే అనుకుంటూ
మనదైన చీకటి సామ్రాజ్యంలో
తిరుగులేని మహరాజులా/రాణిలా
వెలుగుతున్నామని భ్రమలో పడిపోయి
వాస్తవాన్ని ఎద్దేవా చేస్తుంటే
నిజాయితీకి కోపం వచ్చి
నివురులా కమ్మేసి
నిప్పుల కొలిమిలో కాల్చేస్తుంది
తస్మాత్ జాగ్రత్త...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner