21, నవంబర్ 2016, సోమవారం

జీవితమే ఓ సమరం...!!

జ్ఞాపకాలు వెళిపోతున్నాయి
ఏకాంతానికి చోటిస్తూ

సమీపంగానే ఉన్నట్టున్నా
సామీప్యం కాలేని మనసులకు చూపిస్తూ

కావాలని వెంటపడే బంధాలను
అల్లంత దూరంలో నిలబెడుతూ

గుప్పెడు గుండెని తడిమే
గ(ర)ళపు గేయాలను వినమంటూ

రాలిపోతున్న స్వప్నాలను
దోసిట్లో దాచుకోవాలని ఆశ పడుతూ

నీలినీడలలో తారాడే రంగులను
ప్రభాత ప్రత్యూషాలకు అద్దాలనుకుంటూ 

పరుగులెత్తే కాలానికి ధీటుగా
పడుతూలేస్తూ సాగే జీవితమే ఓ సమరం...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner