19, మార్చి 2017, ఆదివారం

విష పంజరాలెన్నో...!!

అంతర్జాలపు మాయాజాలంలో
ముఖచిత్రాల్లేని ముఖ పుస్తక ఖాతాలెన్నో

అస్తవ్యస్తపు ఆలోచనలతో
అధోగతి పట్టిన బతుకులెన్నో

అక్షరాలు సిగ్గుపడే రాతలతో
అగమ్య గోచరపు జీవితాలెన్నో

గమనం తెలియని శరాలతో
మనసులను చంపుతున్న కౄర మృగాలెన్నో

సప్తపదుల అర్ధాలకు క్రొంగొత్త భాష్యాలతో
అగాధపు అంచులలో కూలుతున్న కాపురాలెన్నో

క్రమ సంబంధాలు లేని బంధాలతో
అక్రమ సంబంధాలు ఆడుకునే ఆటలెన్నో

నమ్మకాన్ని వమ్ము చేస్తూ తమ నటనతో
వ్యాపారాలు చేస్తున్న కుహనావాదులెందరో
 
మరుగౌతున్న మానవతా విలువలతో 
కనుమరుగు కాలేని మాసిపోని మమతలెన్నో

నీలి నీడల చిత్ర 'వి'చిత్రాల వలయాలతో
వీక్షకులకు కొరత లేని వింత విష పంజరాలెన్నో...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner