11, ఫిబ్రవరి 2018, ఆదివారం

శోధన....!!

నిరంతర సంఘర్షణల్లోనుంచి
జీవన పరిణామ క్రమాన్ని
ఆవిష్కరించడానికి పడే
తపనలో మేధస్సుకు చిక్కని
ఆలోచనల వలయాలు
ఆక్రమించిన మనసును
సమాధాన పరిచే క్రమంలో
నన్ను నేను శోధించుకుంటూ
తప్పొప్పుల తూకాలను
అసహజ అంతరాలను
అర్ధం కాని ఆవేదనలను
కోల్పోతున్న బంధాల బాధ్యతలను
మధ్యస్థంగా మిగిలిపోయిన
వ్యక్తిగత వ్యవస్థలోని లోపాల భారాన్ని
ముసురు పట్టి ముసుగులోనున్న
మానవత్వపు మమకారాన్ని
వెలుగుపూలు పూయించాలన్న
ఆరాటంలో ఆలంబన చేసుకున్న
ఆత్మ పరిశీలన నుండి అంకురమై
మెుదలైందే ఈ అక్షర ప్రయాణం....!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner