17, ఏప్రిల్ 2019, బుధవారం

వేదనగా మారినప్పుడు..!!

తరాలు తరిగిపోతున్నాయి
విలువలు వెలవెలబోతున్నా 
అంతరాలను నిలువరించలేక 
నిస్సహాయతను మోసుకుంటూ 

బంధాలు భారమైపోతున్నాయి
అనుబంధాలకు కొత్త అర్ధాలు చెప్తూ 
సహజీవనాలకై వేగిరపడుతూ 
మూన్నాళ్ళ ముచ్చటే మురిపెమనుకుంటూ 

బాధ్యతలు బంధనాలౌతున్నాయి
కన్నపేగు కదిలిస్తున్నా 
కన్నప్రేమ వారిస్తున్నా 
కాదంటూ.. కాసుల కోసం అమ్ముడుబోతూ 

బతుకులు భయపెడుతున్నాయి 
ముసుగుల మనస్తత్వాలు బయటపడి 
నీలినీడల్లో నిజాలు దాగుండిపోయి 
వాస్తవమో వద్దనలేని వేదనగా మారినప్పుడు..!! 

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner