13, సెప్టెంబర్ 2019, శుక్రవారం

దిగంతాల నడుమన...!!

చీకటి వెలుగుల సందిగ్ధంలో
దిగంతాల నడుమన
ఒంటరి పయనానికి
సిద్దమైన కాయమిది

ఏకాంతమలా పలకరించి
మౌనాన్ని తట్టి లేపిన
క్షణాల లెక్కల తక్కెడలో
కూడికలు తీసివేతలివి

కనురెప్పల కదలికలు
కలవర పడుతున్నా
గుప్పెడు గుండె చప్పుడును
గమనించలేని వాస్తవమిది

అనుబంధాల బంధనాలను
అడ్డు తొలగించుకుంటూ
రహస్యపు రాదారిలో
మరో లోకపు ఆహ్వానమిది

ఆరాధన అనంతమైనా
అంతులేని విషాదాన్ని మెాసే
ఆత్మయెాగపు నిశ్చలస్థితి
నాకత్యంత ప్రియమైనది...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner