29, మార్చి 2020, ఆదివారం

తెలుసుకో...!!

నీవాళ్ళతో 
నువ్వెలానయినా 
మాట్లాడుకో

పదుగురెదుటా
బాధ్యతాయుతమైన
పలుకులు పలకడం నేర్చుకో

తప్పులు చేయడం
మానవ సహజమే
ఒప్పుకునే ధైర్యం నీలో పెంచుకో

అధికారమిచ్చిన అహంతో
ఆధిపత్యం చెలాయిస్తే
ఎన్నాళ్ళో మనలేవని తెలుసుకో

విభజన రూపంలో
ప్రజా జీవితాలను
దోచేయాలన్న తలంపుని వదులుకో

వ్యక్తిగత ద్వేషంతో
వ్యవస్థ వినాశనానికి
పధకాలు వేయడం మానుకో

అందివచ్చిన అవకాశాన్ని
స్వప్రయెాజనాలకు వినియెాగించక
ప్రజల మనసులు గెలుచుకో

అధికార పీఠం దక్కిన గర్వముతో 
లక్ష్యమెరుగని విలుకాడిగా 
చరిత్రలో మిగిలిపోకుండా చూసుకో

ముల్లోకాలను చూసే ముక్కంటి 
మూడోకన్ను తెరవక ముందే
మనిషిగా మసలుకో

ఎంతటివారమైనా 
కాలచక్రం(కరోనా) కోరల్లో నలుగుతూ
కర్మానుసారం కడతేరక తప్పదని గుర్తుంచుకో...!!


































0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner