6, ఏప్రిల్ 2020, సోమవారం

నటించేద్దాం రండి..!!

నటిద్దాం రండి...!!

కొత్తగా నటించడానికి
ఏం మిగిలిందనిప్పుడు

అమ్మ బొజ్జలో ఉన్న
ఆ తొమ్మిది నెలలు తప్ప

రేపటి నుండి 
నవ మాసాలకూ రంగులు పూస్తారేమెా

పుట్టిన బిడ్డకు పురిటినీళ్ళు పోసిన నాటి నుండే
జీవితంలో నటించడం నేర్పే ప్రయత్నమే

రెండు నాల్కల ధోరణితో
పైకెదిగే యత్నానికి పాదులు చేయడమే

మనసులేని మనుష్యులుగా
మనమూ బతికేద్దాం వ్యక్తిత్వం అనేది లేకుండా

నటన మనకు కొత్తేమీ కాదుగా
సర్ధుకుపోతున్నామన్న తేనేను పూసుకుంటున్నాంగా

ఊసరవెల్లి దాని ఉనికి కోసమైతే
మనకేమెా బతుకుదెరువదేనాయే

చివరాఖరికి నటనకు ఘటనకు మధ్యన
యధేచ్ఛగా నటించేద్దాం రండి...!! 



0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner