6, ఫిబ్రవరి 2021, శనివారం

ప్రశ్న(?)..!!

మనిషిగా మనలేనప్పుడు
మరో దారేది? 

మనసు మాట వినలేనప్పుడు 
బతుకుకర్థం ఏమిటి? 

బిడ్డగా బాధ్యతలు పంచుకోలేనప్పుడు
వారసత్వపు హక్కులెక్కడివి? 

తలిదండ్రులుగా బంధాలను కాదనుకున్నప్పుడు
ఆప్యాయతలెలా దొరుకుతాయి? 

ఎక్కడికి వెళ్ళాలో తెలియనప్పుడు 
ఎలా చేరాలన్న సమస్యెందుకు? 

జీవించటమెలాగో ఎరుకలేనప్పుడు
జన్మకు సార్థకతేది? 

నాకు నేను ప్రశ్నగా మిగిలిపోయినప్పుడు
జవాబెక్కడని వెదకను...?

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner