17, సెప్టెంబర్ 2022, శనివారం

​రాలిన స్వప్నాలు..!!

రాతిరి పొద్దులోనో

ఉలిక్కి పడిన మనసు

ధైర్యాన్ని కూడగట్టుకుంటోంది


గతాన్ని కాదనలేని స్థితిలో

వాస్తవాన్ని భరించే శక్తిని కోల్పోయి

భవిత లేని బతుకుగా మిగిలిపోతోంది


అంతరంగపు ఆలోచనలను ఆపలేక

ప్రశ్నలుగా సంధించాలని ప్రయత్నిస్తున్న 

కలవరాలను కట్టడి చేయలేక పోతోంది


వెలుగుల నిదురలో

చీకటి మెలకువను వెదకలేక

వేసారిన ఊపిరితో ఊరడిల్లుతోంది


తన ఆశల సౌధాలను అందిపుచ్చుకోవడానిక్

కూలిన కట్టడాల్లో, కాలిన జీవితాల్లో

రాలిన స్వప్నాలను ఏరుకుంటుంటోంది..!!


0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner