5, నవంబర్ 2022, శనివారం

ముసిరిన మబ్బులు..!!

కాలం విసిరెళ్లిన క్షణాలు కొన్ని

ఆకాశం అంచులకు వ్రేలాడుతున్నాయి


జ్ఞాపకాల తేనెబొట్లు అరకొరగా రాలుతుంటే

పట్టి దోసిట్లో దాచుకోవాలన్న తాపత్రయం కొందరిది


బంధాల రాదారి ఇరుకుగా మారి

దారి తప్పిన అనుబంధాలు చెల్లాచెదురయ్యాయి


పేగుపాశాల పలకరింపులు సుదూరమైనా

ఆశల అమ్మదనం ఆర్తిగా జోల పాడుతూనేవుంది


తెంచుకోలేని ముడుల వల మన జీవితమైనా

చిక్కుల చుక్కల్లో చందమామను వెదుకుతూనే ఉంటామిలా..!!



0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner