17, సెప్టెంబర్ 2011, శనివారం

అంతర్మధనం...!!

కనుల నీరు జారనీయకు
కనుదోయి కలవర పడేను
కలత నిదుర కానియకు
కలలు కల్లలయ్యేను

మదిలోనికి చొరబడనీయకు వేదనను
మానసికోల్లాసం దూరమయ్యేను
మనసుతో మాటాడు మౌనంగా
మౌనభాష్యాలు సాక్షులుగా

మనసుకి తగిలిన ప్రతి గాయం
రాబోయే మరో గెలుపుకి పునాది
ఓటమి నుంచి నేర్చుకునే మెళకువలు
గెలుపు అందలానికి బాటలు వేయాలి

పడిపోయామని లేవడం మర్చిపోతే
పరుగునే కాదు నడకనే మర్చిపోతాము..
జీవిత సత్యాన్ని తమలో ఇముడ్చుకున్న
ఎగసిపడి లేచే కడలి తరంగాలే అందుకు సాక్ష్యం...!!

3 మీరేమనుకుంటున్నారో.....చెప్పేయండి:

అజ్ఞాత చెప్పారు...

పడిపోయామని లేవడం మర్చిపోతే
పరుగునే కాదు నడకనే మర్చిపోతాము..!!

చాలా చాలా బాగుందండి...

vijay చెప్పారు...

గాయపడిన మనసుకు బాండైడా?

kallurisailabala చెప్పారు...

కనుల నీరు జారనీయకు
కనుదోయి కలవర పడేను
కలత నిదుర కానియకు
కలలు కల్లలయ్యేను
బావుందండి.ఆలోచనాత్మకంగా ఉంది.

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner