28, జనవరి 2010, గురువారం

చిన్ననాటి తీపి గురుతులు....

విజయనగరం దగ్గరలో పల్లెటూరు, ఆ ఊరికి రెండు మైళ్ళ దూరంలో గవర్నమెంట్ హైస్కూల్ లో టెన్త్ వరకు చదివాము. బాగా వెనుక పడిన ప్రాంతం అప్పుడు. చాలా తక్కువ మంది చదివేవాళ్ళు. రెండు ప్రైవేటు బస్సులు తిరుగుతూ ఉండేవి విజయనగరం వరకు. అన్ని మామిడి తోటలు, చెరుకు పొలాలు, వేరుసెనగ, ఇంకా చాలా తోటలు ఉండేవి మా వూరు నుంచి స్కూల్ వున్న వూరు వరకు. వేసవి లో ఒంటిపూట బడులప్పుడు బస్సు వుండేది కాదు పొద్దున్నే. నడుచుకుంటూ వాక్కాయలు, పుల్లరేగుకాయలు తింటూ, మామిడి కాయలు దొంగతనంగా కోసుకుని ఉప్పు కారం తో తింటే అబ్బాఆ రోజులే భలే ఉండేవి. తెలుగు మాస్టర్ గారు నాతోనే పాఠం చదివించే వారు, ఒక్క తప్పు అయినా చదువుతానేమో అని. టెన్త్ వరకు నేనే చదివేదాన్ని ఒక్క తప్పు లేకుండా....ఇక్కడ ముఖ్యం గా కొంత మంది గురించి చెప్పాలి. మా హింది టీచర్ గారి గురించి చెప్పాలి. మాకు పాఠాలే కాకుండా జీవితం లో జరిగే ఎన్నో విషయాలను, కధలను, కబుర్లను, చెప్పే వారు. లెక్కల మాస్టర్ గారు చాల బాగా లెక్కలు చెప్పే వారు. ఈయన అంటే అందరికి భయం. ఇక సైన్సు , సోషల్ మాములు గా చెప్పే వాళ్ళు. స్కూల్ లో చిన్న చిన్న పోట్లాటలు జరుగుతూ వుండేవి.

ఇంకా వుంది.....

తేనేలూరే తీపి గురుతులు-బాల్యం

నాకు తెలిసి చిన్నప్పటి జ్ఞాపకాలు అందరికి గుర్తు వుండే ఉంటాయి. మాది వుమ్మడి కుటుంబం అప్పుడు. మా అమ్మ ఒక్కటే అమ్మమ్మ వాళ్ళకు, లేక లేక పుట్టిన సంతానం. మా నాన్న గారు అమ్మ కు మేనమామ. అమ్మ పుట్టిన పదహారు ఏళ్లకు మా మామయ్య పుట్టాడు, తరువాత ఆరు నెలలకు నేను పుట్టాను. చిన్నప్పుడు మేము వేరే ఊరులో ఉండి చదువుకునే వాళ్ళము. మాతో అమ్మమ్మ వుండేది. మా స్కూల్ భలే వుండేది. అప్పుడే కొత్తగా బిల్డింగ్స్ కడుతూ వున్నారు, మాకు చింత చెట్ల క్రింద చదువు చెప్పే వాళ్ళు. మేము సెకండ్ క్లాసు నుంచి ఆ స్కూల్ లో చదివాము. మా స్కూల్ పేరు శిశువిద్యామందిరం. రెండవ తరగతి లో ఆచారి మాస్టరు గారు, పింగళి మాస్టరు గారు క్లాసెస్ చెప్పే వాళ్ళు. పింగళి మాస్టరు గారు పాటలు కుడా చాలా బాగా నేర్పేవారు. ఇక మూడు లో నాగలక్ష్మి టీచర్ గారు వుండే వారు. అప్పుడే నేను నా ఫ్రెండ్ కలిసి వెంకటేశ్వర సుప్రభాతం చెప్పే వాళ్ళము, మా స్కూల్ లో అప్పుడే ఆరువందల మంది పిల్లలు వుండే వాళ్ళు. ప్రేయర్ కుడా అప్పటి నుంచే నేను నా ఫ్రెండ్ చెప్పే వాళ్ళము. ప్రేయర్ తో పాటు ఒక సంసృత శ్లోకం కుడా చెప్పి దాని అర్ధం చెప్పే వాళ్ళము. తరువాత న్యూస్ పేపర్ కుడా చదివే వాళ్ళు. ఇక లేట్ గా వచ్చిన వాళ్ళ కు పనిష్మెంట్ వుండేది. తరువాత క్లాసెస్ స్టార్ట్ .....క్లాసెస్ లో పాఠాలతో పాటు డ్రాయింగ్, డిబేట్స్, ఆటలు ఇలా అన్ని ఉండేవి.సాయంత్రం స్టడీ క్లాసెస్ ఉండేవి, వాటిలో కొద్ది సేపు చదువు, తరువాత భగవద్గీత, హనుమాన్ చాలీసా .....ఇలా ఎదో ఒకటి చదివించే వాళ్ళు. స్కూల్ ఐన తరువాత పక్కనే పార్క్ లో ఆడుకోడం, దగ్గర లోనే లైబ్రరీ కి వెళ్లి పుస్తకాలు చదివి ఇంటికి వెళ్ళడం.... ఇలా ఇంకా చాలా విశేషాలు ఆ స్కూల్ లో వున్నన్ని రోజులు ఇలాగే వుండేది.

శ్రీలత టీచర్ గారు పాటలు బాగా పాడి నేర్పించే వాళ్ళు, సోషల్ చెప్పే వాళ్ళు. రత్నరావు గారు హెడ్ మాస్టర్ గారు ఇంగ్లీష్ చెప్పే వాళ్ళు. ప్రైవేటు క్లాసెస్ పెట్టి కొద్ది గా తప్పు చదివినా బాగా కొట్టే వారు. ఇంకా తెలుగు మాస్టర్ గారు, లెక్కల మాస్టర్ గారు, సైన్సు మాస్టర్ గారు, కమల టీచర్ గారు, హింది టీచర్ ప్రమీల రాణి గారు, మీసాల మాస్టర్ గారు ఇలా ఎందరో మహానుభావుల పుణ్యం ఈ రోజు ఇలా వున్నామంటే......
ఇక సెలవు రోజు ఐతే గాలి గోపురం దగ్గరకు, పక్కనే శివాలయం, కొద్ది దూరం లో లంకమ్మ గుడి మద్య మద్య లో ఫ్రెండ్స్ ఇళ్ళకు వెళ్ళడం,ఆటలు సరిపోయేవి. సిక్స్ క్లాసు వరకు చదువు ఇలా సాగింది. మద్యలో అమ్మకు ఆరోగ్యం బాలేక మా వూరు నుంచి ఆ రోజులలో బస్సు లో వెళ్ళేవాళ్ళము ఆరు మైళ్ళు. తరువాత విజయనగరం వెళ్ళిపోయాము.
ఇంకా వుంది........

మా ట్రస్ట్ గురించి.....

URLC ట్రస్ట్ గురించి చెప్పాలంటే....అమ్మ నాన్న లేని పిల్లల కోసం టెన్త్ తరువాత నుంచి ఎంత వరకు చదువుకుంటే అంత వరకు చదువు చెప్పించడం దీని ముఖ్య ఉద్దేశ్యం. మీకు టైం దొరికినప్పుడు ఈ క్రింది వెబ్ సైట్ ని చూడండి URLC ట్రస్ట్ వివరాల కోసం.
http://www.urlctrust.com/
సాయం చేయాలనుకునే సహృదయులందరికి స్వాగతం...

27, జనవరి 2010, బుధవారం

మాఘ పౌర్ణిమ - పాత జ్ఞాపకాలు

మా ఊరికి దగ్గర లో సముద్రం వుంది. మాఘ పౌర్ణిమ ౩౦ జనవరి న ఈసారి. అంటే ఆ రోజు సముద్ర స్నానాలు అన్నమాట.మా చిన్నప్పుడు ముందు రోజు రాత్రే హంసలదీవి వేణుగోపాలస్వామి గుడి కి వెళ్లి ఆ రాత్రి అక్కడ భజనలు, కోలాటాలు, నాటకాలు, హరికథలు, ఇలా ఎన్నో .....ఉండేవి.... పౌర్ణమి ముందు రోజు సాయంత్రం, అప్పట్లో ఎడ్ల బండి లో ఎక్కువ గా వెళ్ళేవాళ్ళం. అందరమూ కలిసి తినడానికి పులిహోర, పెరుగు, ఇంకా తినడానికి చాలా రకాలు పండుగ వంటలు ఉంటాయి గా అవి అన్ని తేసుకు వెళ్ళేవాళ్ళం. దేముడి దర్శనం చేసుకుని పెద్ద వాళ్ళు భజనల దగ్గర వుంటే పిల్లలము కోలాటాల దగ్గరకి నాటకాల దగ్గరకి వెళ్ళేవాళ్ళం. తెల్లవారు ఝామున గుడి దగ్గర నుంచి బయలుదేరి కొంత దూరం వెళ్ళిన తరువాత కాలినడకన ౨, ౩ మైళ్ళు నడిచి సముద్రం దగ్గరకు చేరేవాళ్ళం. పొద్దు పొడుస్తూ ఉన్నప్పుడు సముద్రస్నానాలు చేసే వాళ్ళం. ఇక అవి అయిన తరువాత మళ్ళి గుడి దగ్గరకు వచ్చి దేముడి దర్శనం చేసుకుని షాపింగ్ చేసే వాళ్ళు షాపింగ్ చేసి ఇక ఇళ్ళకు బయలుదేరతారు. చెప్తుంటే ఇంతేనా అనిపిస్తుంది, కాని ఆ రోజులు భలే ఉండేవి ఆ అనుభూతులు మరల మరల కావాలి అన్నా రావు, ఇలా గుర్తు చేసుకోడం తప్ప ఇంక ఏమి చేయలేము కదా!!



20, జనవరి 2010, బుధవారం

మనిషి - నటన

ఈనాటి మానవ సంబంధాలలో ఇతరుల తో నటిచడమే కాకుండా మనతో మనం కుడా నటిస్తూనే వున్నాము. బతికే ఈ నాలుగు రోజుల కోసం ఇలా మనతో మనం కుడా నటించడం అవసరం అంటారా!! ఒక్క సారి ఆలోచించండి...?

మన స్వార్ధం కోసం వాళ్ళ మీద వీళ్ళకు వీళ్ళ మీద వాళ్ళకు చెప్పి మనం లాభ పడటం సమంజసమా!!

పైకి తీయగా మాట్లాడుతూ మనకింద గొయ్యి చాలా నేర్పు గా తవ్వడం కొంత మందికి దేముడు ఇచ్చిన గిఫ్ట్.

నాకనిపిస్తుంది చెప్పేవాళ్ళు ఎప్పుడు వుంటారు, విని నమ్మే వాళ్ళది తప్పు అని.

విన్నది నిజమా!! కాదా!! అన్నది మన విజ్ఞతలో వుండాలి. దేముడు మనకు ఆలోచన ఇచ్చింది మంచి చెడు బేరీజు వేసుకుని మనం మంచి నడవడి తో జీవించడానికి, మృగాలుగా జీవించడానికి కాదు. మన అన్న స్వార్ధం వుండాలి కాని ఎదుటి వాడి నాశనాన్ని చూసేది కాకుండా వుండాలి. అప్పుడే మనం మన పిల్లలు అందరు బాగుంటారు.

మనిషి గా పుట్టినందుకు మానవ సంబంధాలను అనుబంధాలను, ఆప్యాయతలను మర్చి పోకండి. మనీషి గా బ్రతకండి.



8, జనవరి 2010, శుక్రవారం

నాకు నచ్చిన పాట

పల్లవి......* అతడు....* జగమంత కుటుంబం నాది… ఏకాకి జీవితం నాది 2
సంసార సాగరం నాదే.. సన్యాసం శూన్యం నావే *జగమంత*.
చ...* అతడు*...* కవినై…. కవితనై….. భార్యనై…. భర్తనై 2
మల్లెల దారిలో… మంచు ఎడారిలో 2
పన్నీటి జయగీతాల కన్నీటి జలపాతాల

నాతో నేను అనుగమిస్తూ..నాతో నేనే రమిస్తూ
ఒంటరినై అనవరతం
కంటున్నాను నిరంతరం కలల్ని,కథల్ని,మాటల్ని,పాటల్ని, రంగుల్ని,రంగవల్లుల్ని,కావ్యకన్యల్ని,ఆడపిల్లల్ని *జగమంత*.
చ...* అతడు..*..* మింటికి కంటిని నేనై.. కంటను మంటను నేనై 2
మంటల మాటున వెన్నెల నేనై

వెన్నెల పూతల మంటను నేనై
రవినై శశినై దివమై నిశినై..
నాతో నేను సహగమిస్తూ..నాతో నేనే రమిస్తూ..
ఒంటరినై ప్రతినిమిషం కంటున్నాను నిరంతరం
కిరణాల్ని, కిరణాల హరిణాల్ని హరిణాల చరణాల్ని, చరణాల చలనాన కనరాని గమ్యాల కాలాన్ని, ఇంద్రజాలాన్ని *జగమంత*.
చ....* అతడు...*...* గాలి పల్లకిలోన తరలి నాపాట పాప ఊరేగివెడలె గొంతువాకిలిని మూసి మరలి తను మూగబోయి నా గుండెమిగిలే నా హృదయమే నా లోగిలి నా హృదయమే నా పాటకి తల్లి నా హృదయమే నాకు ఆలి నా హృదయములో ఇది సినీవాలి *జగమంత*..

ఓ మంచి పాట

అనుపల్లవి...*... అతడు...*... రఘుపతి రాఘవ రాజారాం పతిత పావన సీతారాం

ఈశ్వర అల్లా తెరో నాం సబ్ కో సన్మతి దే భగవాన్.

పల్లవి....*... అతడు...*... ఇందిరమ్మ ఇంటిపేరు కాదురా గాంధి

ఊరికొక్క వీధి పేరు కాదురా గాంధి 2

కరెన్సీ నోటు మీద ఇలా నడి రోడ్డు మీద

మనం చూస్తున్న బొమ్మ కాదురా గాంధి

భరతమాత తలరాతను మార్చిన విధాతరా గాంధి

తరతరాల యమయాతన తీర్చిన వరదాతరా గాంధి *ఇందిరమ్మ*

చ...* అతడు*... రామనామమే తలపంతా ప్రేమధామమే మనసంతా

ఆశ్రమ దీక్ష స్వతంత్ర కాంక్ష ఆకృతి దాల్చిన అవధూత

అపురూపం ఆ చరిత

ధర్మయోగమే జన్మంతా ధర్మక్షేత్రమే బ్రతుకంతా

సంభవామి అని ప్రకటించిన అలనాటి కృష్ణ భగవద్గీతా

బోసినోటి తాత

మన లాగే ఓ తల్లి కన్న మాములు మనిషి కదరా గాంధి

మహాత్ముడంటూ మన్నన పొందే స్థాయికి పెంచదా ఆయన స్పూర్తి

సత్య అహింసల మార్గ జ్యోతి నవ శకానికే నాంది రఘుపతిఖోరస్

2.చ...* అతడు*... గుప్పెడు ఉప్పును పోగేసి నిప్పుల ఉప్పెనగా చేసి

దండి యాత్రనే దండయాత్రగా ముందుకు నడిపిన అధినేత

సిసలైన జగజ్జేత

చరఖా యంత్రం చూపించి స్వదేశీ సూత్రం నేర్పించి

నూలుపోగుతో మదపుటేనుగుల బంధించాడురా జాతి పిత

సంకల్ప బలం చేత

సూర్యుడు అస్తమించని రాజ్యానికి పడమర దారిని చూపిన క్రాంతి

తూరుపు తెల్లారని నడిరాతిరికి స్వేచ్ఛా భానుడి ప్రభాత కాంతి

పదవులు కోరని పావన మూర్తి హృదయాలేలిన చక్రవర్తి

ఇలాంటి నరుడొకడిలా తలంపై నడయాడిన ఈనాటి సంగతి

నమ్మరానిదని నమ్మక ముందే ముందు తరాలకు చెప్పండి.

(సర్వజన హితం నా మతం; అంటరానితనాన్ని అంతః కలహాల్ని అంతం చేసేందుకే నా ఆయువంతా అంకితం; హే రాం )

ఓ మంచి పుస్తకం

ఊసులాడే ఒక జాబిలట..........ఈ పుస్తకం నాకు చాల చాల బాగా నచ్చిన పుస్తకాల్లో ఒకటి.
ఈ పుస్తకం గురించి చెప్పాలంటే దీనిలో ఇద్దరి మద్యలో ఉత్తరాల ద్వారా నడిచే సంభాషణ మాత్రమే వుంటుంది కానీ చదువుతుంటే మనసుకు హత్తుకు పోతుంది. ఓ కవిత కి ఆ కవిత రాసిన కవి కి.......ప్రత్యుత్తరం ద్వారా పరిచయమైన ఓ పాఠకురాలు... వీరి మద్య జరిగిన ఉత్తరాల సంభాషణ....ఆఖరి వరకు ఇద్దరు ఒకరిని ఒకరు చూసుకోరు. ఆమె కేన్సర్ తో చని పోతుంది, తరువాత ఆమె సంతాప సభ కు రచయిత వెళతాడు...పుస్తకం చదువుతుంటే......నిజం గా చెప్పడం కన్నా చదివి చూడండి మీకే తెలుస్తుంది. http://www.scribd.com/doc/13398328/usulade-oka-jabilata-rareebookstk
యండమూరి వెన్నెల్లో ఆడపిల్ల ఎంత బాగుంటుందో....ఈ పుస్తకం కుడా అంత బాగుంటుంది.
వెన్నెల్లో గోదారి అందమంత ఆహ్లాదంగా వుంటుంది చదువుతున్నంత సేపూ.....

7, జనవరి 2010, గురువారం

మకర సంక్రాంతి

అనగానే చిన్నప్పటి రోజులలోకి వెళ్ళిపోతాము అందరమూ.....భోగి మంటలు, రంగురంగుల ముగ్గులు వాటిలో ఆవుపేడ తో చేసిన గొబ్బెమ్మలు, మంచి మంచి పాటలు, బావ మరదళ్ల హాస్యాలు, రకరకాల పిండి వంటలు.........ఇలా చెప్పుకుంటూ పొతే చాలా వుంటాయి కదా!

ఏవి ఆ సరదాలు... సంబరాలు.....రోజు ....లేవు ఇక రావు ...అనుకుంటే ఎక్కడో తెలియని బాధ....మళ్ళి ఆ పాత రోజులు వస్తే ఎంత బాగుంటుంది ...కదూ...

ఈ రోజు మనకు మిగిలినది ఏముంది......


పాత రోజుల గురించి మన పిల్లలకు కధలుగా చెప్పడం తప్ప..........

సరే అండి.... అందరికి సంకురాతిరి శుభాకాంక్షలు....

ఓ మంచి మాట

"జననీ జన్మ భూమిశ్చ స్వర్గాదపి గరీయసి"
కన్నతల్లి...మాతృభూమి....స్వర్గం కన్న మిన్న అని చెప్పారు మన పూర్వీకులు
ఇది అక్షర సత్యం.........
మాతృభూమిని కన్నతల్లిని మరచిన వారికి పుట్టగతులుండవు......
" దేశమేగినా ఎందు కాలిడినా ఏ పీఠమెక్కినా ఎవరెదురైనా పొగడరా నీ తల్లి భూమి భారతిని నిలుపరా నీ జాతి నిండు గౌరవము" అన్న మహా కవి గురజాడ గారి మాటలు మనం ఎక్కడ వున్నా ఎలా వున్నా మర్చి పోకూడదు....భాషలు వేరైనా మతములు వేరైనా మనమంతా భారతీయులం......భరత మాత ముద్దు బిడ్డలం...



"ఓ మనిషి అన్ని పనులు చేయలేడు కానీ..... ప్రతి మనిషి ఏదో ఒక పని చేయగలడు"

"సమస్య ని మన జేవిత కాలం తో పోల్చుకుంటే చాలా చిన్నది అది వుండే సమయం"

"స్నేహం అంటే మనలోని తప్పొప్పులను భరించే మమతానుబంధం "

"సృష్టి లో తీయనిది స్నేహమేనోయి".... అన్నాడో మహా కవి

ఆ స్నేహ పరిమళాన్ని ఆస్వాదించే ప్రతి ఒక్కరికీ అభినందనలు...









6, జనవరి 2010, బుధవారం

నూతన సంవత్సర శుభాకాంక్షలు




5, జనవరి 2010, మంగళవారం

విన్నపము

పసి పాపలను వదిలేసే అమ్మలకు విన్నపము
అమ్మ అంటే అమృత హృదయం దయచేసి అమ్మతనానికి అన్యాయం చేయకండి. మీ ఇబ్బంది ఏదైనా సరే కనీసం కుప్ప తొట్టి లో కాకుండా ఏ అనాధశరణాలయం దగ్గర అన్నా వదిలేయండి.
అంతే కానీ జంతువులకు ఆహారం గా వేయవద్దు.
ఈ సృష్టి లో ఏ మచ్చ లేనిది అమ్మతనం దానిని మలినం చేయకండి.
ఏ పాపం తెలియని పసికందులని కుక్కలకు, పందులకు ఆహారం గా వదలకుండా మీరు చేసిన తప్పులకు వారిని
బలి చేయకండి. దయ చేసి వాళ్ళకు బతికే అవకాశం ఇవ్వండి.
అమ్మలూ అలోచిచండి ఒక్కసారి..........
పసి పాపల బోసి నవ్వులు చూసే అదృష్టం మీకు లేక పొతే
చిన్నారుల ఆటపాటల ఆనందాలు అస్వాదించే అమృత హృదయం మీది కాకపోతే
ఆదుకునే ఆనంద నిలయాల దగ్గర వదిలేయండి కానీ ..... మాతృత్వాన్ని మరిచి పోకండి అనుకోకుండా అమ్మలైన ఓ అమ్మలూ....

సోనియా కేకు ముక్క - తమిలోడి తలతిక్క

సోనియా గారు బర్త్డే గిఫ్ట్ గా ఆంధ్ర అని తెలంగాణా అని కేకు ముక్క ని కట్ చేసినట్లు చేసి చిదంబరం గారి తో ప్రకటన ఇప్పించారు....
సోనియా మేడం గారు, చిదంబరం గారు ఎవరండి?
ఒకే ప్రాంతం వాళ్ళని ఒకే బాష మాట్లాడే వాళ్ళని విడదీయడానికి వీళ్ళు ఎవరండి?
ఆనాడు అమరజీవి పొట్టి శ్రీరాములు గారు ఆమరణ నిరాహార దీక్ష చేసి ఆంధ్ర రాష్ట్రాన్ని సాధించి నా....మన అన్న స్వర్గీయ నందమూరి తారక రామారావు గారు తెలుగోడి ఆత్మ గౌరవం అన్న ఒకే ఒక్క మాటతో.......రాజకీయ సంచలనం సృష్టించినా.....అది తెలుగు అన్న ఒక్క మాట తోనే.
సోనియా గారు ఆంధ్ర ని కేకు అనుకుని కట్ చేసి చిదంబరం గారి సాయం తో ముక్కలు గా పంచారు, ఆంధ్రని

మండుతున్న అగ్నిగుండంగా మార్చారు. ఇప్పుడు మీరు మీరు కొట్టుకు చావండి అంటున్నారు

మనం కొట్టుకు చస్తున్నాము

అస్సలు ఉద్యమాలు చేసేటప్పుడు నిజం ఏంటి అని ఒక్కళ్ళు కూడా ఆలోచించడం లేదు
ఇంతలో కరెంటు పోయింది కథ ఆగింది....

మళ్ళిమొదలు పెట్టాలి ఇప్పుడు......


Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner