6, జూన్ 2024, గురువారం
కొత్త పుస్తకాలు..!!
నా కొత్త పుస్తకాలు రెండు. అవి చదువుతూ అమ్మ, అమ్మమ్మ. పుస్తకాలు ప్రింట్ అవడానికి సహకారమందిస్తున్న ప్రియమైన నేస్తాలకు మనఃపూర్వక ధన్యవాదాలు..
అమరావతి విజయం..!!
ఆంధ్రప్రదేశ్ కు నిన్ననే స్వతంత్రం వచ్చినట్టుంది. జగన్ గారు అన్నట్టు దేవుడికి అన్నీ తెలిసే కదా స్క్రిప్ట్ రాసింది. పధకాలు, అభివృద్ధితో పాటు మీరు మీ అహంకారం వదిలి, పేటీయం బాచ్ ని కంట్రోల్ లో పెడితే కనీసం ప్రతిపక్ష హోదా అయినా దక్కేది. ఆత్మలతో మాట్లాడటం కాదు మీరు చేయాల్సింది. మీకు మీరుగా ఆత్మ విమర్శ చేసుకోండి నిజాయితీగా. తత్వం మీకు బోధపడుతుంది. మేము సామాన్యులం. ఇది సామాన్యుడి విజయం. ఇది ఆంధ్రప్రదేశ్ ఒకే ఒక్క రాజధాని “అమరావతి” విజయం.
పధకాల మత్తులో ప్రజలను ముంచాలనుకున్న నాయకులకు ఆ ప్రజలిచ్చిన తిరుగులేని తీర్పు. ఇది ప్రతి రాజకీయ నాయకుడికి వర్తిస్తుంది. వ్యక్తిగత కక్ష సాధింపులను మనిషన్నవాడు ఎవడూ హర్షించడు. వంకర నవ్వులు, సంకర బుద్ధులకు ప్రజలిచ్చిన ఈ ప్రజాతీర్పు చరిత్రలో చిరస్థాయిగా మిగిలిపోతుంది. ఒకప్పుడు గర్వంగా చెప్పుకున్న మాకే,
గత ఐదేళ్ళ నుండి ఆంధ్రులమని చెప్పుకోవడానికి కూడా సిగ్గు పడే పరిస్థితి మాలాంటి సామాన్యులది.
సమర్థతకు, అసమర్థతకు గల తేడాని ప్రజలు ఈ ఐదేళ్ళలో బాగా గుర్తించారు అనడానికి తిరుగులేని సాక్ష్యమే ఈ ప్రజాతీర్పు. మీ వంటి అసామాన్యలకు ఈ తీర్పు ఇలా ఎందుకు వచ్చిందో అర్థం కాకపోవడమేంటండి. ఈ విజయం పూర్తిగా మీకు మీరుగా ఒప్పజెప్పినదే. ఒకందుకు మీకు కృతజ్ఞతలు చెప్పాలి. మనిషన్న వాడు ఎలా ఉండకూడదో మాకు సవివరంగా చూపించారు. థాంక్యూ సో మచ్ వై ఎస్ జగన్ మోహన్ రెడ్డి గారు.
వినతి..!!
బాబుగారు ఇకనైనా మారండి. ఎవరి పద్ధతికి తగ్గట్టుగా వారికి సమాధానం చెప్పే అవకాశాన్ని ఉపయోగించండి. ఏ చిన్న విషయాన్ని ఉపేక్షించవద్దు. గత ఐదేళ్ళుగా ఏ సంబంధం లేకుండా పలుమార్లు మానసిక క్షోభలకు గురైన వారికి ఊరట కావాలి. మీ పరిపాలన భవిష్యత్ తరాలకు బంగారు బాటలు వేయాలి. ఏ పని చేసినా మరెవరు దానిని వినాశనం చేయడానికి ఆస్కారమివకుండా చేయండి. పునాదులను నిర్మూలించే అవకాశాన్ని సైకోలకు ఇవ్వద్దు. మీ నలభై పైచిలుకు అనుభవాన్ని ఆంధ్రప్రదేశ్ మాదని సగర్వంగా చెప్పుకునే అవకాశాన్ని మాకివ్వండి. వంకర నవ్వులతో, సంకర బుద్ధులతో హేళన చేసిన వెధవలకు సమాధానంగా, చరిత్రలో “అమరావతి” చిరస్థాయిగా నిలిచిపోవాలని కోరుకునే సామాన్య ఆంధ్రులం మేము.
జై అమరావతి..జై జై అమరావతి..!!
అనుసంధానం..!!
దూరమెంతో
తెలియకున్నా
ఎప్పుడు మెుదలుపెట్టానో
తెలియకుండా
సాగుతున్న
పయనమిది
నీతో
సహవాసం
మెుదలైనప్పుడు
అనుకోలేదు
మన అడుగులు
తడబడకుండా నడవగలవని
ఏదేమైనా
మనసులు తెలిసిన
నెయ్యమిది
అక్షరానికి
అమ్మదనానికి
ముడిబడిన బంధమిది
కొత్తగా నేర్చుకుంటున్నా
సరికొత్తగా
నేర్పును ప్రదర్శించే
చాకచక్యాన్ని
కలానికి కాలానికి
కుదిర్చిన అనుసంధానమిది..!!
వెదుకులాట..!!
ఆకాశం, అవని
అంతటా నీవేనని
తెలిసినా..
మనసు మాట
వినబడక
నీకై..
వెదుకుతూనే
ఉంటానిలా..!!