ప్రజల చేత, ప్రజల కొరకు ఎన్నుకోబడిన నాయకులు శాసనసభలకు, లోక్ సభలకు వెరసి చట్టసభలకు గైర్హాజరు కావడం సబబేనా? వీరికి కూడా హాజరు శాతం లెక్క వేయాలి. సరిపడా హాజరు లేని నాయకులు తరువాత ఎన్నికల్లో పాల్గొనడానికి అనర్హులుగా ప్రకటించాలి.
ప్రజల సొమ్ముతో కట్టిన చట్టసభల్లోనికి ప్రజలకు ప్రవేశం ఉండదు. కనీసం వారు ఎన్నుకున్న నాయకులైనా సక్రమంగా సభలకు వెళ్ళాలి కదా. సభలకు వెళ్ళనప్పుడు వారిని ఎన్నుకోవడంలో అర్థమేముంది?
1. మనసు ఛాయ దొరికింది_గతాన్ని వెదికే వాస్తవంలో..!!
2. కదిలించే కథనాలే అన్నీ_కరకురాయిని సైతం కన్నీరు పెట్టిస్తూ..!!
నేస్తం,
“ఓడలు బండ్లు అవడం, బండ్లు ఓడలు అవడం” అన్న నానుడి మన అందరికి తెలుసు. ఇప్పటికే చాలాసార్లు ప్రత్యక్షంగా చూసాము, చూస్తున్నాము కూడా. కాలాన్ని మన చేతిలో ఉంచేసుకుందామనుకుంటే ఎలా కుదురుతుంది? కాలం చేతిలో మనం కీలుబొమ్మలమే కాని కాలాన్ని శాసించే శాసకులం కాదు. ఈ విషయం తెలిసి కూడా మిడిసిపడితే “చివరకు మిగిలేది” ఏంటన్నది మన కనుల ముందున్న ఫలితాన్ని చూస్తే అర్థం అవుతుంది. వ్యవస్థకు, వ్యక్తి’గతానికి ముడిబెడితే ఫలితం ఇలానే ఉంటుందని చరిత్ర చెప్పిన సత్యాన్ని భవిష్యత్తులో మరెవరూ మరువకూడదు. తప్పుటడుగులు వేయకూడదు.
అది చేసాం, ఇది చేసాం అని చెప్పుకోవాల్సింది మనం కాదు. ప్రజలు వేన్నోళ్ళ పొగడాలి. మన అతితెలివి జనానికి తెలియదనుకోవడం ఎంత పొరబాటో ఇప్పటికయినా “అర్థమయ్యిందా రాజా!”. విలాసాలు మనకి, మన అనుయాయులకు, ప్రజలకు మాత్రం చెత్తపన్ను నుండి మెుదలెట్టి ప్రతి పైసా మన జల్సాలకు వాడుకోవడం సబబేనా మరి? తమరు చేసిన అభివృద్ధి, రాష్ట్రాన్ని పురోభివృద్ధిలో ముందుకు తీసుకువెళ్ళిన పనితనం, ప్రతి ప్రాజెక్టును మీరు చెప్పిన సమయంలో పూర్తి చేసి మాట నిలబెట్టుకున్న తీరు, ఆంధ్రప్రదేశ్ ను ప్రపంచ పటంలో ఎంత విలువైన స్థానంలో నిలబెట్టాయో మీకూ తెలుసు కదా. మీ పరిపాలన ఎంత సవ్యంగా జరిగిందో అందరికి తెలుసు.
ఆర్థిక నేరగాడికి ఇచ్చిన ఒక అవకాశం ఆంధ్రప్రదేశ్ ను ఎంత అధఃపాతాళానికి నెట్టిందో పోలవరాన్ని చూస్తే తెలుస్తుంది. ఈ ఐదేళ్ళలో కనీసం రోడ్ల గుంటలు పూడ్చడానికి కూడా ఎన్నికల ప్రచారానికి మీ రాక కోసం ఏదో మమ అనిపించారు తప్పించి ఏమైనా చేసారా? పారదర్శక పాలన, అవినీతి రహిత ఆంధ్రప్రదేశ్ అన్నారు కాని అవినీతి సహిత ఆంధ్రప్రదేశ్ ని చేసారు. ఒక కులం గురించి ప్రజావేదికల మీద బాధ్యతాయుతమైన ముఖ్యమంత్రి పదవిలో ఉండి మీరు మాట్లాడిన మాటలు ఇప్పటి వరకు ఏ రాజకీయ నాయకుడు మాట్లాడలేదు. కులం అన్నది మనకు జన్మతః వస్తుంది అన్న విషయం మీకు తెలియదా! ఎందుకు మీకు ఆ కులం మీద అంత కక్ష? ప్రజలు మీకు ఇచ్చిన అవకాశాన్ని సద్వినియోగం చేసుకోకుండా మీ అహంకారంతో అధికారాన్ని దుర్వినియోగం చేసారు.
మీకు మనసనేది ఉంటే నిజాయితీగా మీ మనస్సాక్షిని అడిగిచూడండి, మీరెందుకు ఇంత ఘోరంగా ఓడిపోయారో! ఇప్పటికయినా మారండి. లేదా మీకు బాగా తెలిసిన మీ వ్యాపారాలు మీరు చేసుకోండి. అంతేకానీ చాతకాని వాటిల్లో తలదూర్చి మీ పరువుతో పాటుగా మా పరువు కూడా తీయకండి. ముందు మిమ్మల్ని గెలిపించిన పులివెందుల ప్రజలకు ఎం ఎల్ ఏ గా న్యాయం చేసి అనుభవాన్ని సంపాదించుకోండి. లేదూ “నేనింతే” అంటారా సరే మీ ఇష్టాన్ని మేమెందుకు కాదనాలి. కర్మ ఫలితాన్ని అనుభవించడమే.
“ ముఖ్యమంత్రి నుండి కనీసం ప్రతిపక్ష హోదా కూడా లేకుండా ఓ సాధారణ ఎం ఎల్ ఏ” గా మారిన మీ రాజకీయ చరిత్ర ప్రతి ఒక్కరికి గుణపాఠంగా చరిత్రలో మిగిలిపోతుంది ఎప్పటికి. ఇది మీ చేతులారా మీరు రాసుకున్న రాత. మన వ్యక్తిగత కక్షలకు ప్రజా జీవితాలను బలి చేయాలనుకునే ప్రతి ఒక్క రాజకీయ నాయకుడికి ఈ ఎన్నికల ఫలితాలు ఓ హెచ్చరిక.
చివరిగా ఓ మాట పప్పు ఆరోగ్యానికి మంచిది. గన్నేరుపప్పు జీవితాలకు హానికరం అని ఆంధ్రప్రదేశ్ ప్రజలు మీ ద్వారా అనుభవపూర్వకంగా తెలుసుకున్నారు. ఓ మనిషి ఎలా బతకాలో, బతకకూడదో చాలా వివరంగా తెలిపారు మీరు, మీ అనుయాయులు. అందుకు మాత్రం ఈ విషయంలో మీకు మీ భజన గణాలకు మా హృదయపూర్వక కృతజ్ఞతలు.
1. వరమైన
శాపమిదేనేమో
బాల్యాన్ని
పరికిస్తూ
మలిపొద్దు
మందహాసం..!!
2. అధికారం
రాజసౌధం
అహంకారం
అధఃపాతాళం
నిజం
ఇజం..!!
3. నలుపు
తెలుపు
అసలు
నకలు
గుర్తింపు
ముఖ్యం..!!
4. అలంకరణ
అందమే
అక్షరాలకు
భావాలతో
నేర్పరితనమూ
ఓ వరమే..!!
5. పెరుగుతున్నాయి
తప్పులు
పేరుకుపోతున్నాయి
అప్పులు
గత వైభవ
చిహ్నాలు..!!
6. మాటల
మౌనాలు
మనసు
గాయాలు
ఓదార్పు
అక్షరంతో..!!
7. గౌరవసభ
సంస్కారం
కౌరవసభ
కుతంత్రం
తడబాటు
తప్పదు..!!
8. మాజీలు
తాజాలు
తాజాలు
మాజీలు
నేర్పు
చదరంగానిది..!!
ఆంధ్రప్రదేశ్ కు నిన్ననే స్వతంత్రం వచ్చినట్టుంది. జగన్ గారు అన్నట్టు దేవుడికి అన్నీ తెలిసే కదా స్క్రిప్ట్ రాసింది. పధకాలు, అభివృద్ధితో పాటు మీరు మీ అహంకారం వదిలి, పేటీయం బాచ్ ని కంట్రోల్ లో పెడితే కనీసం ప్రతిపక్ష హోదా అయినా దక్కేది. ఆత్మలతో మాట్లాడటం కాదు మీరు చేయాల్సింది. మీకు మీరుగా ఆత్మ విమర్శ చేసుకోండి నిజాయితీగా. తత్వం మీకు బోధపడుతుంది. మేము సామాన్యులం. ఇది సామాన్యుడి విజయం. ఇది ఆంధ్రప్రదేశ్ ఒకే ఒక్క రాజధాని “అమరావతి” విజయం.
పధకాల మత్తులో ప్రజలను ముంచాలనుకున్న నాయకులకు ఆ ప్రజలిచ్చిన తిరుగులేని తీర్పు. ఇది ప్రతి రాజకీయ నాయకుడికి వర్తిస్తుంది. వ్యక్తిగత కక్ష సాధింపులను మనిషన్నవాడు ఎవడూ హర్షించడు. వంకర నవ్వులు, సంకర బుద్ధులకు ప్రజలిచ్చిన ఈ ప్రజాతీర్పు చరిత్రలో చిరస్థాయిగా మిగిలిపోతుంది. ఒకప్పుడు గర్వంగా చెప్పుకున్న మాకే,
గత ఐదేళ్ళ నుండి ఆంధ్రులమని చెప్పుకోవడానికి కూడా సిగ్గు పడే పరిస్థితి మాలాంటి సామాన్యులది.
సమర్థతకు, అసమర్థతకు గల తేడాని ప్రజలు ఈ ఐదేళ్ళలో బాగా గుర్తించారు అనడానికి తిరుగులేని సాక్ష్యమే ఈ ప్రజాతీర్పు. మీ వంటి అసామాన్యలకు ఈ తీర్పు ఇలా ఎందుకు వచ్చిందో అర్థం కాకపోవడమేంటండి. ఈ విజయం పూర్తిగా మీకు మీరుగా ఒప్పజెప్పినదే. ఒకందుకు మీకు కృతజ్ఞతలు చెప్పాలి. మనిషన్న వాడు ఎలా ఉండకూడదో మాకు సవివరంగా చూపించారు. థాంక్యూ సో మచ్ వై ఎస్ జగన్ మోహన్ రెడ్డి గారు.
బాబుగారు ఇకనైనా మారండి. ఎవరి పద్ధతికి తగ్గట్టుగా వారికి సమాధానం చెప్పే అవకాశాన్ని ఉపయోగించండి. ఏ చిన్న విషయాన్ని ఉపేక్షించవద్దు. గత ఐదేళ్ళుగా ఏ సంబంధం లేకుండా పలుమార్లు మానసిక క్షోభలకు గురైన వారికి ఊరట కావాలి. మీ పరిపాలన భవిష్యత్ తరాలకు బంగారు బాటలు వేయాలి. ఏ పని చేసినా మరెవరు దానిని వినాశనం చేయడానికి ఆస్కారమివకుండా చేయండి. పునాదులను నిర్మూలించే అవకాశాన్ని సైకోలకు ఇవ్వద్దు. మీ నలభై పైచిలుకు అనుభవాన్ని ఆంధ్రప్రదేశ్ మాదని సగర్వంగా చెప్పుకునే అవకాశాన్ని మాకివ్వండి. వంకర నవ్వులతో, సంకర బుద్ధులతో హేళన చేసిన వెధవలకు సమాధానంగా, చరిత్రలో “అమరావతి” చిరస్థాయిగా నిలిచిపోవాలని కోరుకునే సామాన్య ఆంధ్రులం మేము.
జై అమరావతి..జై జై అమరావతి..!!
దూరమెంతో
తెలియకున్నా
ఎప్పుడు మెుదలుపెట్టానో
తెలియకుండా
సాగుతున్న
పయనమిది
నీతో
సహవాసం
మెుదలైనప్పుడు
అనుకోలేదు
మన అడుగులు
తడబడకుండా నడవగలవని
ఏదేమైనా
మనసులు తెలిసిన
నెయ్యమిది
అక్షరానికి
అమ్మదనానికి
ముడిబడిన బంధమిది
కొత్తగా నేర్చుకుంటున్నా
సరికొత్తగా
నేర్పును ప్రదర్శించే
చాకచక్యాన్ని
కలానికి కాలానికి
కుదిర్చిన అనుసంధానమిది..!!
Template by:
