23, మే 2013, గురువారం

నీతోనే స...మస్తం....!!

చెలియలకట్టని చేరని స్నేహం
చెదరని గురుతుగా మిగిలితే....!!

చిందర వందరగా మిగిలిన
చీలికలలో ఎక్కడో దాగుంది....!!

సీకటిలో ఎలుగు సుక్క ఎక్కడో
కనుసూపు మేరలో చెమక్కుమంటే....!!
 నీ కన్నుల కాంతుల మెరుపేమో
నాకగుపిస్తోందని మోసపోతున్నానేమో....!!

ఎప్పటికప్పుడు మోసపోతూనే ఉన్నా
నీకోసమే అని ఆనందపడుతున్నా....!!
నే ఓడినా నీ గెలుపు కోసమేనని 
నీ గెలుపు నా గెలుపే అని...!!

గెలిచిన నీకు ఆ గెలుపే గుర్తుంది కాని....
దాని వెనుకనున్న మధనం....!!
నీకోసం ఓటమిని అలఓకగా అందుకున్న
నా మనసు కనిపించలేదు....!!

ఓటమినే చిరునామాగా
నీకోసం నే మార్చుకుంటే....!!
 గెలుపు అందలాలు సుళువుగా
నిను చేరాయని నువ్వనుకుంటున్నావు....!!

ఒక్కసారి తరచి చూడు
ఒక్కమారు నీ మనసుని అడిగి చూడు
నీకోసం ఎన్నిసార్లైనా మరణించి
మళ్ళి జీవించే నా మనసు
నీతోనే ఉందని చెప్తుందేమో....!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner