నీతి మాలిన రాజకీయాలు రాక్షసంగా రాజ్యమేలుతుంటేరక్కసి కోరల్లో చిక్కిన న్యాయం బయటకు రాలేక
తల్లడిల్లి పోతుంటే....కళ్ళుండి గుడ్డిదైన లోకం
మాటలు మర్చిపోయి మూగనోము పడితే....!!
అబలల ఆర్తనాదాలు, అన్నార్తుల ఆకలి కేకలు
రోడ్డు పక్కన మురికి గుంటల్లో పసికందుల రోదనలు
అన్నదాత నీకోసమే అన్నీ అంటూ ఓట్లు దండుకుని
పండిన పంటకు తోడుగా ఋణ భారాన్ని
రైతన్నల పాలిట శాపంగా మార్చిన దళారీలు
ఆధునికత అంటూ అడ్డదారులు తొక్కుతున్న యువత
ఇదేనా ఈనాటి నవభారతం....!! మన జన భారతం ...!!
మతాల కుమ్ములాట...మమతానురాగాల అమ్మకాల చోటు
ధనానికి దాసోహమంటూ జీవితమే నటన....
ఇదీ మన భారతం....!! మన జీవితం....!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి